Almatyda Týrızm basqarmasynyń basshylyǵy men Thai AirAsia H áýe kompanıasynyń bas atqarýshy dırektory Pattra Býsaravongse bastaǵan delegasıa kezdesti. Ózara júrgizilgen kelissózder nátıjesinde Bangkok-Almaty jańa tikeleı áýe reısi ashylatyn boldy. Alǵashqy reıs 2025 jyly 1 jeltoqsanda josparlanyp otyr.
Almatynyń Týrızm basqarmasy Ońtústik-SHyǵys Azıa elderinen kelgen saıahatshylar tarapynan qalaǵa degen qyzyǵýshylyqtyń turaqty ósip kele jatqanyn atap ótti. Reısti ashý jáne AirAsia-men birlesken marketıńtik bastamalar Almatyny halyqaralyq arenada barynsha qoljetimdi ári tanymal týrısik baǵytqa aınaldyrady.
Bangkokta ornalasqan Thai AirAsia H áýe kompanıasy 2013 jyly qurylǵan. Tasymaldaýshy Malaızıanyń AirAsia X jáne Thai AirAsia birlesken kásiporny bolyp tabylady. Búginde áýe kompanıasy búkil Azıa boıynsha alys marshrýttarda ushýdyń jaılylyǵyn qamtamasyz etetin toǵyz áýe kemesin basqarady.
Almatyny Ońtústik-SHyǵys Azıa naryǵynda tanytý aıasynda «Almaty týrızm búrosy» JSHS AirAsia áýe kompanıasy arasynda seriktestik ornaǵan. Qazirgi ýaqytta Malaızıa men Sıngapýr aýdıtorıasyna baǵyttalǵan aýqymdy digital-áleýmettik medıa naýqany júzege asyrylyp jatyr. Naýqan aıasynda AirAsia logotıpi bar Kýala-Lýmpýr - Almaty tikeleı reısiniń ashylǵanyn kórsetetin beınerolıkter men kórneki materıaldar jarıalanady. Onyń barysynda 70 mıllıonǵa deıin kórsetilim usynylady. Bul Almatynyń óńir saıahatshylary arasynda tanymaldylyǵyn aıtarlyqtaı arttyrýǵa múmkindik beredi.
Sonymen qatar, AirAsia oflaın ilgeriletýdi de daıyndap otyr: Kýala-Lýmpýr men Sıngapýrda Almatynyń kórikti jerleri, taý peızajdary, Kóktóbe aspaly joly, «Medeý» muz aıdyny jáne qalanyń basqa da kórneki oryndary beınelengen jarqyn bılbordtar paıda bolady. Onda Visit Almaty jáne AirAsia logotıpteri qoıylady. Bul seriktestiktiń qundylyǵyn kórsetedi jáne Almaty brendiniń óńirdiń týrısik naryǵynda laıyqty oryn alýyna yqpal etedi.