Shyǵys Qazaqstan oblysynda dala órtteriniń basym bóligi oqshaýlandyryldy, dep habarlaıdy A lmaty-akshamy.kz.
SHQO tótenshe jaǵdaılar departamenti baspasóz qyzmetiniń málimetine súıensek, Katonqaraǵaı aýdany Altynbel aýylynan 12 shaqyrym jerde shyqqan órttiń taralýy 10 qyrkúıek kúni saǵat 09.00-de toqtatyldy. Qyzyl jalyn sharpyǵan aýmaq 1900 gektardy qurady.
«Kúrshim aýdanynda «Marqakól» orman sharýashylyǵy, «Bobrovka» ormanshylyǵy jáne Tósqaıyń aýyldyq okrýginiń aýmaǵyna jaıylǵan órt 11 qyrkúıekte saǵat 17.00-de oqshaýlandyryldy. Otpen kúreske qutqarýshylar, ormanshylar, jergilikti atqarýshy organ ókilderi men polısıa qyzmetkerleriniń qatarynan 255 adam men 29 tehnıka jumyldyryldy. Órt aýdany – 1800 gektar», - delingen aqparatta.
Budan bólek, Quıǵan aýyldyq okrýginiń aýmaǵyndaǵy jalyn 12 qyrkúıekte saǵat 06.40-ta oqshaýlandyryldy. Aldyn ala derek boıynsha, ot 2000 gektar aýmaqqa jaıyldy.
«Al Altaı aýdanyndaǵy buta men shópti sharpyǵan órttiń beti áli qaıtpady. Tilsiz jaý 2400 gektarǵa tarady. Eldi mekenderge tónip turǵan qaýip joq. Sol jerde 207 adam men 29 tehnıka jumys istep jatyr. Áýeden 145 ret sý tógildi», - delingen habarlamada.