Damý baǵdarlamasymen Almaty ákimdiginiń qyzmetkerleri jáne túrli qyzmet salalarynyń 130-dan astam sarapshysy 5 aı boıy jumys istedi.
Búgin men jáne meniń áriptesterim sizderge birlesken, tynymsyz eńbegimizdiń nátıjesin – «Almaty qalasyn damytýdyń 2025 jylǵa deıingi baǵdarlamasyn jáne 2030 jylǵa deıingi orta merzimdi perspektıvalaryn» usyndy, dep habarlaıdy Almaty-akshamy.kz .
Baǵdarlamada - qazirgi strategıalyq josparlar men halyqaralyq tájirıbe, onyń ishinde álemdik megapolısterdi damytýdyń basty trendteri men prınsıpteri zerdelendi, syn-qaterler eskerilgen, qala tirshiliginiń barlyq salalaryndaǵy jaǵdaıǵa taldaý jasalyp, turǵyndardyń myńdaǵan ótinishteri qaraldy. Nátıjesinde Almaty qalasynyń ákimdigi men sarapshylar Damý baǵdarlamasynyń negizgi maqsattaryn aıqyndady, bul – jaıly qalalyq orta qurý jáne Almatynyń barlyq aýdandarynda ómir súrý sapasyn jaqsartý.
Qujatta sarapshylardyń kásibı pikirleri, qala turǵyndarynyń usynystary men ótinishteri eskerilgen qalanyń qysqa jáne orta merzimdi perspektıvaǵa arnalǵan damý paıymyn qamtylǵan. Almaty turǵyndarynyń arasynda Damý baǵdarlamasynyń negizgi basymdyqtaryn qoǵamdyq talqylaý bıyl shilde aıynda ótti, onda turǵyndar 1280 pikir jiberip, óz kelisimderin berdi. Máslıhat depýtattarynyń, qoǵamdyq keńes músheleriniń usynystary eskerildi. Nátıjesinde Almatynyń júzdegen janashyr turǵyndary Damý baǵdarlamasynyń avtorlaryna aınalyp, qalamyzdyń barynsha jaıly, qaýipsiz, tehnologıalyq turǵydan damyǵan jáne jasyl qalaǵa aınalýy úshin naqty is-qımyl josparyn usyndy.
Aldyn ala baǵalaý boıynsha, Baǵdarlamany iske asyrýdyń jalpy somasy 6,1 trln teńgeni quraıdy. Bul rette tartylǵan jeke ınvestısıalardyń basym bóligin nemese 55%-dan astamyn quraıdy - olardyń ishinde taıaýdaǵy úsh jylda 1,3 trln teńge tartý josparlanyp otyr, al qalǵan 2 trln teńgeden astamy – orta merzimdi perspektıvada 2030 jylǵa deıin.
2021-2025 jyldarǵa arnalǵan Damýdyń jańa baǵdarlamasy – bul qala turǵyndary úshin túsinikti, zamanaýı talaptar men mindetterge jaýap beretin qujat. Bul rette, qoldanystaǵy damý jospary ortalyq memlekettik organdarmen kelisim boıynsha jańa damý baǵdarlamasyna túzetiletin bolady jáne nátıjesinde jańa sapaly jáne ózektendirilgen mazmunǵa ıe bolady.
Damý baǵdarlamasy 7 negizgi maqsatqa negizdelgen. Olar: «Jaıly qalalyq orta», «Ornyqty ekonomıkalyq ósim», «Basqarylatyn ýrbandalý», «Áleýmettik ornyqtylyq jáne turaqtylyq», «Jasyl Almaty», «Aqyldy qala jáne qaýipsiz qala. Qalanyń barlyq aýdandaryndaǵy turǵyndardyń ómir súrý sapasyn jaqsartý Damý baǵdarlamasynyń nátıjesi men tıimdiliginiń basty krıterııi bolmaq.
Almaty 2030 jylǵa deıin the Global Liveability Index TOP-70 ındeksine kirýge talpynady. Bul qalalardyń jaılylyq deńgeıiniń ıntegraldy ındeksi, munda turǵyndardyń ózderi qaladaǵy ómir súrý jaılylyǵyn 30-dan astam kórsetkish boıynsha baǵalaıdy.
Qoıylǵan mindetterdi josparly jáne keshendi iske asyrý úshin jekelegen is-qımyl josparlary qabyldanady, jol kartalary ázirlenedi jáne jobalyq ofıster qurylady.