Saraptama boıynsha ólimge anafılaktıkalyq shok sebep bolǵan.
Astana turǵyny dástúrli emes shyǵys medısınasymen aınalysqany úshin sottaldy, onyń kinásinen naýqas kóz jumǵan, dep habarlaıdy Almaty-akshamy.kz qala prokýratýrasyna silteme jasap.
Anyqtalǵandaı, klınıkaǵa júgingen pasıent uıqyshyldyqqa shaǵymdanǵan. Emdeý barysynda oǵan Qazaqstanda lısenzıalanbaǵan preparat egiledi. Sodan keıin naýqastyń jaǵdaıy kúrt nasharlaıdy. Marqum esin jımastan biraz ýaqyttan keıin qaıtys bolǵan.
"Memlekettik aıyptaýshy abaısyzda adam ólimine ákep soqqan, dástúrli emes shyǵys medısınasymen aınalysqan sottalýshynyń kinásin dáleldedi. Sottalǵan adam tıisti kýálikteri men lısenzıasy joq bolsa da medısınalyq qyzmetpen aınalysqan. Saraptama qorytyndysy ólim sebebi anafılaktıkalyq shok bolǵanyn kórsetti", - delingen habarlamada.
Sot úkimimen kináli adam medısınalyq qyzmetpen aınalysý quqyǵynan aıyrylyp, sottaldy.
Astana qalasynyń prokýratýrasy azamattardy osy qyzmet túrimen aınalysýǵa tıisti ruqsaty joq tulǵalarǵa medısınalyq kómekke júginbeýge shaqyrady.