Magdalena Andersson Shvesıa tarıhyndaǵy birinshi áıel premer-mınıstr atandy. Shvesıa bul oqıǵaǵa deıin Skandınavıa elderiniń ishinde ult kóshbasshysy retinde áıeldi saılap kórmegen jalǵyz el bolatyn, dep habarlaıdy almaty-akshamy.kz QazAqparatqa silteme jasap.
54 jastaǵy Magdalena Anderssondy bul qyzmetke Shvesıa parlamenti bekitti. Ol Stefan Levenniń ornyna keldi. Shved zańyna saı, premer-mınıstr bolý úshin parlament músheleriniń basym bóligi qarsy daýys bermeýi kerek.
Shvesıanyń Sosıal-demokratıalyq jumysshy partıasynyń kóshbasshysy Magdalena Manderssondy tańdaýǵa 174 depýtat daýys berdi. Bul depýtattardyń jartysynan az. 117 depýtat Manderssonnyń kandıdatýrasyn qoldap, taǵy 57-si daýys berýden bas tartty. Osylaısha, eldiń jańa premer-mınıstri az aıyrmashylyqpen jeńiske jetti.
Saılaý qorytyndysy belgili bolǵannan keıin Sosıal-demokratıalyq jumysshy partıasynyń kóshbasshysyna Rıksdag qabyrǵasynda qurmet kórsetildi. Andersson mamandyǵy boıynsha – ekonomıs.
Ol Stokgolm ekonomıka mektebin támamdap, 1992 jyly iskerlik ákimshilik jáne ekonomıka salasyndaǵy ǵylym bakalavry dárejesin alǵan. 1995 jyly ol oqýyn Gardardta jalǵastyrdy. Ol saıası mansabyn 1996 jyly premer-mınıstr Ioran Perssonnyń saıası keńesshisi retinde bastaǵan.
2014 jyly Andersson Shvesıanyń qarjy mınıstri atandy. Oǵan deıin bul laýazymda da áıelder bolmaǵan.