Bıyl tumaýǵa qarsy reseılik vaksınanyń 130 000 dozasy satyp alyndy
Qala ákimi Baqytjan Saǵyntaev «Almaty» telearnasynyń Akimat LIVE baǵdarlamasynyń tikeleı efırinde megapolıs turǵyndaryn KVI jańa nusqalarynyń taralý sırkýlásıaásynyń aıasynda tumaýdyń taralý qaýpine asa baıypty qaraýǵa shaqyrdy, dep habarlaıdy Almaty-akshamy.kz
Almatyda JRVI-men aýyrýdyń maýsymdyq ósýi baıqalady. Ótken aptada JRVI-diń 12 479 jaǵdaıy tirkelip, 100 myń halyqqa shaqqandaǵy kórsetkish 613,34-ti qurady, bul ótken jyldyń sáıkes kezeńindegi kórsetkishten 3,7 esege joǵary. Jańa epıdemıalyq maýsym bastalǵaly 1 qazan men 17 qarasha aralyǵynda JRVI-diń 73 731 jaǵdaıy tirkeldi. Sonymen qatar, AH3N2 tumaýynyń 13 jaǵdaıy tirkeldi.
Dárigerler aýrýdyń 60,6 paıyzy balalar arasynda taralǵan dep esepteıdi, kámeletke tolmaǵandar arasynda barlyǵy 7557 jaǵdaı tirkelgen. Megapolıstiń medısınalyq mekemelerine JRVI-men aýyratyn 680 naýqas jatqyzyldy, onyń ishinde 20 júkti áıel, bir jasqa deıingi 211bala bar. 216 adam pnevmonıamen aýrýhanaǵa jatqyzyldy, onyń ishinde 14 jasqa deıingi 51 bala jáne bir jasqa deıingi 26 bala.
Baqytjan Saǵyntaev JRVI, tumaý jáne pnevmonıanyń taralýyna baılanysty jaǵdaıdyń qıyndaı túskenin eskerý qajet dep esepteıdi. Ákim barlyq almatylyqtardy buryn engizilgen barlyq profılaktıkalyq sharalardy, sonyń ishinde betperde rejımin qatań saqtaýǵa shaqyrdy. Bul rette árbir turǵyn adam kóp jınalatyn oryndarǵa barýdy azaıtýy kerek. Al, koronavırýstyq ınfeksıa men tumaýǵa qarsy ekpe almaǵandar ózderin jáne jaqyndaryn qorǵaýǵa asyqqandar jón. Onyń ústine, megapolıste bul úshin barlyq jaǵdaı jasalǵan.
15 qyrkúıekten bastap Almatyda jergilikti búdjet esebinen qaterli toptaǵy (medısınalyq qyzmetkerler; medısınalyq uıymdardaǵy medısınalyq baqylaýdaǵy balalar; alty aıdan asqan jıi aýyratyn balalar; jetim balalarǵa arnalǵan bilim berý uıymdarynyń balalary. ; ata-anasynyń qamqorlyǵynsyz qalǵan balalar; balalar úıiniń tárbıelenýshileri; medısınalyq-áleýmettik mekemelerdiń (uıymdardyń) qyzmetterin alýshylar; júktiliktiń 2 nemese 3 trımestrindegi júkti áıelder; júrek-qantamyr júıesi men tynys alý júıesiniń sozylmaly aýrýlary bar jáne epıdemıologıalyq kórsetkishter boıynsha) adamdardy tumaýǵa qarsy egý jumystary bastaldy.
Vaksınasıa halyqty tumaý vırýsyn juqtyrýdan qorǵap qana qoımaıdy, sonymen qatar aýrýdyń asqynýynan jáne ólim-jitimdi aıtarlyqtaı tómendetýge kómektesedi. Bıyl reseılik tumaýǵa qarsy úsh valentti «Grıppol plús» vaksınasynyń 130 000 dozasy satyp alyndy.