Osy jyldyń sońyna deıin azamattardyń sıfrlyq «áleýmettik ámıany» ilki joba retinde engiziledi. Bul týraly QR Saýda jáne ıntegrasıa mınıstri Baqyt Sultanov aıtty, dep habarlaıdy almaty-akshamy.kz QazAqparatqa silteme jasap.
«Saýda salasyn sıfrlandyrý jumysy júrgizilip jatyr. Shaǵyn jáne orta bızneske elektrondy saýdany damytýǵa tegin qoldaý jáne kómek kórsetý úshin SmartDuken.kz tuǵyrnamasy iske qosylady», - dedi mınıstr Senatta ótken Úkimet saǵatynda.
Onyń atap ótýinshe, Saýda jónindegi saraptamalyq platforma jáne Ulttyq taýarlar tizimin qurý baǵytynda jumys qarqyndy júrgizilip jatyr. Bul jobalar jyldyń sońyna deıin iske qosylmaq.
«Azamattardyń sırflyq «áleýmettik ámıany» engiziledi. Ol azamattarǵa áleýmettik kómek kórsetý tetigin jetildirýge jáne banktik komısıalarǵa arnalǵan búdjet shyǵystaryn ońtaılandyrýǵa múmkindik beredi. 2021 jyldyń sońyna deıin ilki joba Nur-Sultan men Pavlodar qalalarynda iske qosylatyn bolady , - dedi Baqyt Sultanov.