Shveısarıa bıligi 17 aqpannan bastap koronavırýs pandemıasyna baılanysty barlyq shekteýlerdi alyp tastaý týraly sheshim qabyldady, dep habarlaıdy Almaty-akshamy.kz Covid-19 taralýyna jol bermeý jónindegi vedomstvoaralyq komısıasynyń Telegram kanalyna silteme jasap.
«Beısenbiden bastap dúkenderge, meıramhanalarǵa, mádenı mekemelerge jáne is-sharalarǵa betperdesiz nemese COVID sertıfıkatynsyz barýǵa bolady. Sondaı-aq, jumys ornynda maskalardy mindetti túrde kıý jáne úıden jumys isteý týraly usynymdar alynyp tastaldy», - dep habarlady Úkimet.
Sonymen qatar 17 aqpannan bastap Shveısarıaǵa keletin adamdarǵa vaksınalaý, aýrý nemese koronavırýsqa teris synaq týraly rastaý qujaty qajet emes.
Sonymen birge 31 naýryzǵa deıin qoǵamdyq kólikterde qorǵanys quraldaryn paıdalaný jáne oń COVID-19 synaǵy bar adamdar úshin bes kúndik oqshaýlaý týraly talap kúshine enetini atap ótildi.