Bul Afrıkanyń kóptegen elderindegi kórsetkishten de az.
Qazaqstan Respýblıkasynda bilim berýge jumsalatyn memlekettik búdjet shyǵyndarynyń úlesi jalpy ishki ónimniń 5%-ǵa jýyǵyn ǵana quraıdy, dep habarlaıdy Almaty-akshamy.kz Finprom.kz saıtyna silteme jasap.
Bul salaǵa salynǵan kapıtal salymy eldiń jalpy ınvestısıalyq portfeliniń 0,3%-yna áreń jetti.
2021 jylǵy qańtar-jeltoqsanda bilim berý salasynyń negizgi kapıtalyna salynǵan ınvestısıa 293,6 mlrd teńgeni qurady, bul ótken jylmen salystyrǵanda 2,7%-ǵa az.
Salystyrý úshin: 2020 jyldyń osy kezeńinde bul sektorǵa salynǵan ınvestısıa 301,6 mlrd teńgege jetip, jylyna 42,2%-dy qurady.
Bilim salasy el damýynyń mańyzdy kórsetkishteriniń biri bolǵanymen, 2015–2020 jyldary Qazaqstandaǵy JİÓ-nen bólingen ınvestısıanyń úlesi 0,3%-dan 0,5%-ǵa deıin ǵana boldy. 2021 jyldyń úsh toqsanynyń qorytyndysy boıynsha bul kórsetkish jalpy ishki ónimniń 0,3 paıyzyn qurady.
Óńirlik turǵydan qaraǵanda, ınvestısıanyń eń kóp kólemi Almaty qalasyna tıesili: 56,9 mlrd teńge nemese Qazaqstan Respýblıkasynyń bilim salasyna salynǵan ınvestısıanyń jalpy kóleminiń 19,4%-y bizdiń qalamyzǵa quıylǵan.
Úzdik úshtikke sondaı-aq Túrkistan oblysy (36,8 mlrd teńge, plús bir jyldaǵy qundyq máni 78,8%) jáne elorda (35 mlrd teńge, plús 61,4%) kiredi.
Bul saladaǵy eń az ınvestısıa bólý Mańǵystaý oblysynda baıqaldy: bar bolǵany 4,3 mlrd teńge, jylyna mınýs 30,3%.
Bilim salasyna salynǵan kúrdeli salymdardyń 59,5%-y jergilikti búdjet esebinen qamtamasyz etildi: 174,6 mlrd teńge – bir jyl burynǵydan qundyq mánde 18,7%-ǵa az.
Kásiporyndardyń óz qarajaty esebinen salynǵan ınvestısıa 53,4 mlrd teńgeni qurady, oǵan qosa bir jyl ishinde 9,7%, respýblıkalyq búdjet esebinen – 44,5 mlrd teńge. Banktik emes nesıeler 10,6 mlrd teńgeni, banktik nesıeler 10,5 mlrd teńgeni qurady.
2021 jyldyń 12 aıynyń qorytyndysy boıynsha bilim berýge jumsalǵan memlekettik búdjet shyǵystary 3,7 trıllıon teńgege jetken, bul ótken jylmen salystyrǵanda 17,2 paıyzǵa artyq. Salanyń úlesi barlyq búdjet shyǵystarynyń 20,5%-yn qurady.
Bul rette Qazaqstan Respýblıkasynyń JİÓ-nen bilim berýge jumsalatyn memlekettik búdjet shyǵystarynyń úlesi salystyrmaly túrde az: mysaly, 2021 jyldyń úsh toqsanynyń qorytyndysy boıynsha kórsetkish 4,8%, 2020 jyly – 5,2% boldy, 2015 jyly – 4,1%.
IýNESKO málimetteri boıynsha, 2020 jyly Namıbıa sıaqty afrıkalyq elde bilim berý shyǵyndarynyń jalpy ishki ónimdegi úlesi 9,41%, Serra-Leonede - 9,26%, Belızde - 7,94%, Lesotoda - 7, 38%, Ońtústik Afrıkada - 6,84%.
2021 jyldyń tórtinshi toqsanynda bilim berý salasynda jumyspen qamtylǵandar sany bir jylmen salystyrǵanda 1,5%-ǵa ósip, 1,1 mıllıon adamǵa jetti. Olardyń 64,6 paıyzy joǵary jáne joǵary oqý ornynan keıingi bilimi bar – 725,6 myń adam. Taǵy 314,5 myń adamnyń orta kásiptik (arnaıy) bilimi bar, 83,7 myń adamnyń bastaýysh, negizgi, orta jalpy nemese kásiptik bastaýysh bilimi bar.
Saladaǵy ortasha aılyq ataýly jalaqy 219,2 myń teńgege jetti, bul bir jyl burynǵydan 24,2 paıyzǵa artyq. Jalaqynyń satyp alý qabiletiniń naqty ósimi 14,3%-dy qurady. Bilim berý salasyndaǵy jalaqy respýblıkalyq ortasha jalaqy deńgeıinen 20,5%-ǵa tómen.