Shyǵys Qazaqstan oblystyq Halyqtyq shtabtyń músheleri «Kóz mıkrohırýrgıasy klınıkasy» JSHS qyzmetkerlerimen kezdesý ótkizip, AES salýdyń mańyzdylyǵy týraly pikir almasty, dep habarlaıdy aqshamnews.kz Azattyq Rýhykz silteme jasap.
«Energetıka mınıstrliginiń derekterine sáıkes, 2035 jylǵa qaraı Qazaqstanda elektr energıasyn tutyný 152,4 mlrd kVt/saǵatqa jetedi. Alaıda qazirgi jumys istep turǵan elektr stansalarynyń óndiris qýaty 135 mlrd kVt/saǵatty quraıdy. Aradaǵy tapshylyqty Reseıden ımporttap jaýyp otyrmyz. Bul elimizdiń energetıkalyq táýeldiligin kúsheıtip, bolashaqta qaýip-qater týyndatýy múmkin. Mysaly, soltústik kórshimizde qandaı da bir tótenshe jaǵdaı bolsa, biz de sonyń saldaryn tartamyz. Sondyqtan bul máseleni sheshý qajet», – deıdi ÚMZ AQ ǵylymı ortalyǵynyń bastyǵy, fızıka-matematıka ǵylymdarynyń doktory, profesor Manarbek Kylyshkanov.
Kezdesý barysynda AES qurylysynyń qorshaǵan ortaǵa áseri, apattyq jaǵdaılardy boldyrmaýǵa arnalǵan qaýipsizdik sharalary, qajetti resýrstar men biliktiliktiń mańyzdylyǵy keńinen talqylandy.
Bul kezdesý AES salý máselesiniń qoǵamda mańyzdy ári ózekti ekendigin kórsetip, energetıkalyq táýelsizdikke qol jetkizý jolyndaǵy alǵashqy qadamdardyń biri boldy.