Úsh balanyń biriniń denesi 60 paıyz kúıik alǵan
Aqmola oblysynyń Shortandy aýylynda gaz jarylysynan zardap shekken 12 jasar bala qaıtys boldy, , dep habarlaıdy Almaty-akshamy.kz Nur-Sultan qalalyq qoǵamdyq densaýlyq saqtaý basqarmasynyń baspasóz qyzmetine silteme jasap.
«Aqmola oblysynyń Shortandy aýylynda gaz balony jarylysy saldarynan zardap shekken 2009 jyly týǵan bala 20 qarasha kúni keshke qaıtys boldy. Aıta keteıik, bala elordalyq aýrýhanaǵa óte aýyr jaǵdaıda jetkizilgen. Ol dereý reanımasıa bólimine jatqyzyldy, sebebi jaǵdaıy óte aýyr boldy. Deneniń termıalyq kúıigi 70 paıyz boldy. Sondaı-aq óte aýyr dárejedegi kúıik shogy da baıqaldy», - delingen habarlamada.
Vedomstvodan atap ótkendeı, barlyq júrgizilgen emdeý sharalaryna qaramastan, jansaqtaý bólimshesinde bolǵan naýqasty qutqarý múmkin bolmady.
«20 qarashada balanyń júregi toqtady. Jansaqtaý sharalar aıasynda júrek qyzmeti qalpyna kelmedi. Saǵat 21:00-de bıologıalyq ólim anyqtaldy. Biz balanyń týystary men jaqyndaryna qaıǵyryp kóńil aıtamyz», - dep tolyqtyrdy vedomstvodan.
Baspasóz qyzmeti habarlaǵandaı, zardap shekken taǵy úsh balanyń biriniń jaǵdaıy aýyr.
Úsh balanyń biriniń denesi 60 paıyz kúıik alǵan, jaǵdaıy óte aýyr jansaqtaý bólimshesinde jatyr. Ótken aptada taǵy ekeýi beıindi bólimshege aýystyryldy, onda barlyq qajetti em alyp, dárigerlerdiń baqylaýynda bolady. Balalardyń jaǵdaıy turaqty, dınamıkada nasharlaýsyz, - dep habarlady baspasóz qyzmeti.
Aıta keteıik, 16 qarashada Aqmola oblysy Shortandy aýdanynda gaz balony jarylyp, úsh adam qaza tapqan edi.