Zarına bala kezinde gımnastıkamen aınalysqan
Tanymal tenısshimen kezdesýge ońtústik astananyń túrli tenıs ortalyqtarynan 50-ge jýyq bala keldi, dep habarlaıdy Almaty-akshamy.kz Tenıs federasıasynyń Facebook-tegi paraqshasyna silteme jasap.
Kedesý barysynda Zarına jas sportshylardyń suraqtaryna jaýap berdi, aqylyn aıtty, sonymen qatar aldaǵy maýsymdaǵy josparlarymen bólisti. Balalar qazaqstandyq tenıs juldyzyna qyzyqty suraqtar daıyndap kelipti.
Zarına bala kezinde gımnastıkamen aınalysqan eken, alaıda tenıske degen qyzyǵýshylyǵy basym túsken. Ol esinde jaqsy saqtalǵan machtar retinde Serena Ýıláms jáne Marıa Sharapovamen ótkizgen kezdesýlerin aıtty.
Sportshynyń aıtýynsha, álemniń túrli qalalarynda kóptegen alańda jattyqqanyna qaramastan, olar Almatyda jattyqqanǵa jetpeıdi eken. Mansabyn aıaqtaǵannan keıin Zarına balalardy jattyqtyryp, óziniń tenıs akademıasyn qurýdy josparlap júrgenin aıtty. «Qandaı balmuzdaq unatasyz?» - degen suraq qoıdy Tenıs federasıasynyń tárbıelenýshisi Kırıll. Barlyq suraqtardyń ishinde Zarına osy suraqty unatty. Zarına karamel balmuzdaqty unatatyn bolyp shyqty. Bul suraǵy úshin Kırıll sportshynyń qoltańbasy bar fýtbolkany syılyqqa aldy.
Tenıs federasıasynyń Almatydaǵy fılıalynyń ókili de sportshyǵa suraq qoıdy.
- Maýsym qalaı ótti? Josparlaǵan nárseler oryndaldy ma?
- Árıne, bul uzaq maýsym boldy. Jaraqattar boldy. Alaıda qazir qalpyma kelip jatyrmyn, kelesi maýsymǵa tolyq daıyndyqpen kelemin degen úmittemin.
- Bıyl birinshi ret Olımpıadaǵa qatystyńyz. Qandaı sezimde boldyǵyz?
- Sóz aıtyp jetkize almaımyn. Olımpıadadaǵy atmosfera ǵajap, eshteńemen salystyrýǵa kelmeıdi. Álemniń eń myqty sportshylary jarysqa qatysý úshin jınalady. Ókinishke oraı, jaraqattardyń kesirinen oılaǵanymdy kórsete almadym, alaıda Parıjde ótetin kelesi Oıyndarǵa qatysamyn degen úmittemin, - dedi Zarına.