Balyqshylar 15 adamdy qutqardy
Lıvıa jaǵalaýynda Eýropaǵa qaıyqpen bara jatqan 75-ten astam mıgrant sýǵa batyp ketti, dep habarlaıdy Almaty-akshamy.kz «Habar 24» telearansyna silteme jasap.
Eýropaǵa qaıyqpen bara jatqan 75-ten astam mıgrant Jerorta teńizine Lıvıa jaǵalaýynda batyp ketkeni týraly habarlamany Halyqaralyq kóshi-qon uıymynyń (HKU) jergilikti keńsesi jarıalady.
Aman qalǵan taǵy 15 adamdy balyqshylar qutqaryp, Zývara qalasyna jetkizgen.
Uıymnyń málimetinshe, bıyl Jerorta teńizinde 1,3 myńnan astam bosqyn qaıtys bolǵan.
Aıta keteıik, 2011 jyly Lıvıa basshysy Mýammar Kaddafı óltirilgennen keıin Lıvıa is júzinde birtutas memleket retinde jumysyn toqtatty. Sonymen birge qazir el Eýropaǵa kirýge umtylǵan zańsyz mıgranttardyń tranzıttik núktesine aınaldy.