Ýnıversıadada Qazaqstan quramasy short-trekten kúmis medal aldy.
AQSH-tyń Leık-Plesıd qalasynda ótip jatqan Qysqy Ýnıversıadada qazaqstandyqtar taǵy bir júldeni jeńip aldy, dep habarlaıdy Almaty-akshamy.kz Sport.kz silteme jasap.
Bul joly short-trekten Qazaqstan quramasy júldegerler qatarynan kórindi.
Iana Han, Malıka Ermek, Alına Ájǵalıeva, Álisher Ábilqatımov, Ádil Ǵalıahmetov jáne Erkebulan Shamýhanov syndy sportshylarymyz aralas estafetada ekinshi bolyp márege jetip, kúmis medaldi ıelendi.
Ázirge Qazaqstan quramasynyń enshisinde 3 altyn, 2 kúmis, 2 qola júlde bar. Medaldar kestesinde elimiz 9 - orynda tur.