Sheteldik kólik ıeleri ýtıl alymnan bosatylady.
23 qańtardan bastap sheteldik avtokólikterdi zańdastyrý júrgiziledi, dep habarlaıdy Almaty-akshamy.kz QazAqparatqa silteme jasap.
Qazaqstan azamattary syrttan ákelgen sheteldik eseptegi jeńil avtokólikter, shaǵyn, orta syıymdylyqtaǵy avtobýstar, shaǵyn júk kólikter, basqarýy oń jaq rúldi avtokólikter.
ZAŃDASTYRÝ ÚSHİN TALAP ETİLETİN EREJELER
-Avtokólik Qazaqstanǵa 2022 jyldyń 1 qyrkúıegine deıin ákelingen bolýy kerek;
-Krımınaldyq esepte bolmaýy kerek;
-Basqa memlekette burynǵy tirkelgen jeri boıynsha esepten shyǵarylýy tıis;
-Eýrazıalyq ekonomıkalyq odaqqa kirmeıtin elderden ákelingen avtokólik kedendik tazartýdan ótýi qajet.
Ótinim berý 2023 jyldyń 1 shildesine deıin jalǵasady.
ÓTİNİM BERÝ JOLDARY
-e-gov.kz elektrondy úkimet portaly arqyly;
-deńgeıli bankterdiń qosymshalary arqyly;
-HQKO-nyń «Óz-ózine qyzmet kórsetý sektory» arqyly.
AVTOKÓLİKTİ ZAŃDASTYRÝ ÚSHİN QAJET QUJATTAR
- Ótinim;
- Ótinim berýshiniń jeke basyn kýálandyratyn qujat;
- Kólik quralynyń pasporty nemese tirkeý týraly kýálik;
- Kólik quralyna menshik quqyǵyn rastaıtyn qujat. Nátıjesi arnaıy bazaǵa tirkeledi jáne kólik ıesiniń telefonyna 1414 nómirinen SMS jiberiledi. Onda qabyldanǵan sheshim naqty jazylady.
QANSHA MEMLEKETTİK ALYMDAR TÓLENEDİ
-Alǵashqy tirkeý úshin – 200 000 teńge;
-Tehpasport úshin memlekettik BAJ – 4 313 teńge;
-Memlekettik nómir – 9 660 teńge.
Odan soń kólik ıesi sheteldik tehpasport, menshik quqyǵyn rastaıtyn qujatty HQKO mamandaryna tapsyrady.
Tirkeý bekitilgennen keıin avtokólik ıesine QR tirkeý qujaty, memlekettik nómir beriledi.
Sheteldik kólik ıeleri ýtıl alymnan bosatylady.
Sondaı-aq sheteldik kólikterdi zańdastyrýǵa kómek kórsetetin sall-ortalyqtar iske qosyldy. Barlyq óńir boıynsha telefondy osy jerden alýǵa bolady.
Aıta ketsek, sall-ortalyqtan bólek, sheteldik kólikti zańdastyrý boıynsha halyqqa qyzmet kórsetý ortalyqtarynda mamandar keńesi usynyldy.
Shetelden ákelingen qandaı kólik túri zańdastyrýǵa jatpaıtyny týraly tolyq aqparattan oqýǵa bolady.
Sonymen qatar sheteldik kólikti zańdastyrmaǵan jaǵdaıda qandaı jaza qoldanylatyny aıtyldy.