39 jastaǵy azamat 1 mln teńge aqshany alaıaqtyq jolmen alǵan.
Sybaılas jemqorlyqqa qarsy qyzmet 1983 jyly týǵan azamat Qorjybaev Qanatty (burynǵy tegi Quraluly) ustady, dep habarlaıdy Almaty-akshamy.kz Sybaılas jemqorlyq agenttigine silteme jasap.
«39 jastaǵy azamat ózin Antıkordyń qyzmetkeri retinde tanystyryp júrgen. Jalpy, qamqorlyq kórsetkeni úshin Almaty oblysy kásiporyndarynyń biriniń basshysynan 1 mln teńge aqshany alaıaqtyq jolmen alǵan. Tintý barysynda 2014 jyly taratylǵan qarjy polısıasy qyzmetkeriniń jeke kýáligi tárkilendi», - delingen habarlamada.
Qolda bar málimetterge sáıkes, Qorjybaev buryn da osyndaı qylmystar jasaǵan bolýy múmkin.
Atalǵan azamatqa qatysty zańsyz isterdi bilseńiz, Antıkordyń 1424 sall-ortalyǵyna habarlasý kerek.