SİM basshylary samıttiń kún tártibi men qorytyndy qujattarynyń jobalaryn jan-jaqty qarastyrdy.
Sholpan-Ata, 2022 jylǵy 20 shildede Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi Ortalyq Azıa memleketteri Syrtqy ister mınıstrleriniń keńesine qatysty. İs-sharaǵa Qyrǵyzstan, Tájikstan, Ózbekstan SİM basshylary men Túrikmenstannyń Qyrǵyzstandaǵy elshisi qatysty, dep habarlaıdy Almaty-akshamy.kz SİM baspasóz qyzmetine silteme jasap.
Qatysýshylar aǵymdaǵy jylǵy 21 shildede Sholpan-Ata qalasynda ótetin Ortalyq Azıa memleketteri basshylarynyń aldaǵy tórtinshi Konsýltatıvtik kezdesýine daıyndyq barysyn talqylady. SİM basshylary samıttiń kún tártibi men qorytyndy qujattarynyń jobalaryn jan-jaqty qarastyrdy. Sondaı-aq, saýda-ekonomıkalyq, kólik, gýmanıtarlyq salalardaǵy óńirlik ózara is-qımyldy odan ári nyǵaıtýdyń jaı-kúıi men perspektıvalary jáne óńirlik qaýipsizdik máseleleri talqylandy.
QR Syrtqy ister mınıstri Muhtar Tileýberdi óz sózinde Ortalyq Azıa elderiniń memleketaralyq ózara is-qımyly sońǵy jyldary sapaly jańa deńgeıge kóterilgenin jáne besjaqty qatynastarda serpilis jasalǵanyn atap ótti.
"Qazaqstan Ortalyq Azıanyń turaqty damýyna, óńirdegi turaqtylyq pen qaýipsizdikti nyǵaıtýǵa odan ári úles qosýǵa nıetti", - dedi QR SİM basshysy.
Kezdesýge qatysýshylar qyrǵyz tarapyna is-sharany sapaly uıymdastyrǵany jáne Qyrǵyzstannyń óńirlik ıntegrasıany odan ári damytýǵa baǵyttalǵan kúsh-jigeri úshin alǵys bildirdi.