Vashıngtonda maımyl sheshegi aýrýyna shaldyqqandardyń 96% - er adamdar.
Kolýmbıa okrýginiń Densaýlyq saqtaý mınıstrligi mamyr aıynan beri maımyl sheshegi vırýsyn juqtyrýdyń 122 jaǵdaıy tirkelgenin málimdedi, dep habarlaıdy Almaty-akshamy.kz
Breitbart News saıtynyń málimetinshe, Vashıngtonda maımyl sheshegi aýrýyna shaldyqqandardyń 96% - er adamdar, olardyń 82% ózderin geı dep sanaıdy, kóp jaǵdaıda bul - 30 jastan asqan er adamdar. Okrýgtiń densaýlyq saqtaý komısary, doktor Lakandra Nesbıt baspasóz brıfıńinde bul LGBT qaýymdastyǵynyń aýrýy emes ekenin aıtty. Osy ýaqytqa deıin Kolýmbıa okrýgi maımyl sheshegi vırýsyna qarsy 8300 vaksına aldy.
Kelesi aptada taǵy 4 myń dozasy jetkiziledi dep kútilýde. Vashıngton meri Múrıel Baýzer okrýgke 100 myń vaksına qajet ekenin aıtty. Aýrýlardy qadaǵalaý jáne aldyn alý ortalyqtarynyń málimetinshe, Amerıka Qurama Shtattarynda maımyl sheshegin juqtyrýdyń 1 972 jaǵdaıy tirkelgen.
Elde jan basyna shaqqandaǵy ınfeksıalar sany boıynsha Kolýmbıa shtaty kósh bastap tur. 18 shildedegi jaǵdaı boıynsha, tirkelgen jaǵdaılardyń eń kóp sany Nú-Iorkte (521), Kalıfornıada (267), Florıdada (180) jáne Illınoısta (200) boldy. Maımyl sheshegi vırýsy 60-tan astam elde tirkelgen, degenmen ol pandemıa dep atalmaǵan.