İshki ister mınıstrligi kóship kelýshilerdiń Qazaqstanǵa kelý, turý, tirkelý, olardyń respýblıkadan shyǵý qaǵıdalaryna jáne kóshi-qon baqylaýyn júzege asyrý qaǵıdalaryna ózgerister men tolyqtyrýlar ázirledi, dep habarlaıdy Almaty-akshamy.kz.
Bosqyn mártebesin alǵan baspana suraǵan ımıgranttarǵa, sonymen qatar olardyń otbasy múshelerine ótinishi boıynsha belgilengen tártippen uzartý múmkindigimen úsh aıǵa ýaqytsha turýǵa ruqsat beriletini týraly tarmaq qosyldy.
Buǵan deıin qujatta pana izdeýshiler men bosqyndardy tirkeý merzimderi kórsetilmeı, olarǵa qatysty is Qazaqstannyń bosqyndar týraly zańnamasynda belgilengen tártippen júrgiziletini aıtylǵan.
Sonymen qatar adam saýdasynyń qurbandary týraly tarmaq qosyldy. Osylaısha Qazaqstan aýmaǵynda adam saýdasynyń qurbandary dep tanylǵan jáne anyqtalǵan kóship kelýshilerge jergilikti atqarýshy organnyń ótinishi boıynsha úsh aı alty aıǵa uzartý múmkindigimen, biraq odan kóp emes ýaqytsha turýǵa ruqsat berý kózdelip otyr.
Sonymen qatar qoldanystaǵy zańnamaǵa saı arnaýly áleýmettik qyzmetterdiń kepildik berilgen kólemin kórsetý prosesi aıaqtalǵanǵa deıin olar respýblıkadan shyqqan memleketine (sheteldik azamattyǵy bar elge) shyǵaryp jiberýge jatpaıtyny, onyń barysynda quqyq qorǵaý organdaryna júginý jáne olarmen yntymaqtasý týraly sheshim qabyldanady.
Túzetýler 2 tamyzǵa deıin talqylaý úshin Ashyq NQA veb-saıtynda jarıalanǵan.