2023 jylǵy qańtar-tamyz aralyǵynda shokolad pen qanttan ázirlenetin kondıterlik ónimder óndirisi 68,8 myń tonna boldy, dep habarlaıdy Almaty-akshamy.kz
Energyprom.kz keltirgen derekterge saı, bul ótken jyldyń sáıkes kezeńine qaraǵanda 18,2%-ǵa artyq.
Tıisti kezeńde sektordaǵy kórsetkishterdiń ósýi ekinshi jyl qatarynan baıqalyp otyr.
Otandyq kondıterler tátti ónimderge degen suranysty 47,6%-ǵa qamtamasyz etken. Desek te naryqtyń jartysynan astamy ımporttyń úlesine tıdi: 52,4%.
Bıylǵy qańtar-shildede ishki naryqta shokolad pen qanttan jasalǵan kondıterlik ónimderdi ótkizý kólemi 111,9 myń tonnany qurady. Bul 2022 jylǵy uqsas kezeńmen salystyrǵanda 23,2%-ǵa kóp.
Tıisti kezeńde eksport kólemi 5%-ǵa azaıyp, 17,8 myń tonna boldy.
Bıylǵy qyrkúıek aıynyń qorytyndysy boıynsha shokolad bir aıda 0,4%-ǵa qymbattady. Jyldyq mánde qymbattaý 10,8%-dy qurady.
Kondıterlik ónimder bir jyl ishinde 13,7%-ǵa qymbattady. Onyń ishinde karameldiń baǵasy aıtarlyqtaı artqan: 21,1%. Marmelad baǵasy bir jylda 18,2 paıyzǵa ósti.
Shokoladpen jyltyratylmaǵan kámpıtter 16,8%, saǵyz 16,5%, halva 14,9%, shokoladpen jyltyratylǵan kámpıtter 11,5%, zefır 11,4% qymbattady.