Sheteldegi qazaqtardyń basyn qosqan «Otandastar» forýmyna Qytaıdyń tanymal rejıseri Janar Saǵat keldi, dep habarlaıdy almaty-akshamy.kz.
Men Keńes Odaǵy kezinde Máskeýdiń kıno akademıasynda oqyǵanmyn. Sol jerde rejıserlik mamandyǵyn alyp shyǵyp, Beıjińge qaıttym. Sodan beri óz mamandyǵym boıynsha jumys istep kele jatyrmyn. Keńes Odaǵy jańa ydyraǵan kezde TMD elderiniń «Mır» telearnasy bolǵan, sonda 1-2 jyldaı telejúrgizýshi boldym. Biraq, mamandyǵyma degen qushtarlyq meniń kıno salasyna qaıtyp kelýime túrtki boldy. Túsirgen ónimderimizdiń basym bóligi tarıh taqyrybynda órbidi. Endi sol túsirilgen telehıkaıalarymnyń basym kópshiligi ulttyq marapattarǵa ıe boldy, - dedi ol.
Janar Saǵat jer-jerdegi otandastardy jınap, osylaı qaýyshýǵa múmkindik jasaǵan «Otandastar» forýmynyń uıymdastyrýshylaryna alǵys bildirdi.
«Otandastar» forýmyna alǵash ret qatysyp otyrmyn. Maǵan óte unady. Kesheden beri erekshe jylylyq tanytyp, shynaıy kóńilmen bizge qurmet kórsetilip jatyr. Uıymdastyrýshylar asa yjdahattylyqpen daıyndalǵanyn baǵdarlamalarynan baıqaýǵa bolady. Dúnıe júziniń ár jerindegi qazaqtardyń basyn qosyp, bir-birimizben pikir almasýǵa, emen jarqyn sóılesip, tanysyp - bilisýge múmkindik jasaǵan «Otandastar» qoryna raqmet deımiz, - dedi ol.