100 jasqa deıin ómir súretin adamdar qarasy kúlli álem boıynsha shapshań ósip keledi.
Aldaǵy birneshe ondaǵan jyldan soń, dáliregi, osy ǵasyrdyń orta shenine taman olardyń sany shamamen úsh jarym mıllıonǵa jetedi dep habarlaıdy aqshamnews.kz.
Bul jaıynda islam.kz portaly Life aqparat kózine silteme jasaı otyryp málim etedi.
Ómir súrý uzaqtyǵynyń artýyna eń aldymen ómir súrý sapasynyń jaqsarǵany men medısınalyq jetistikter yqpal etip otyr. Degenmen, ómir súrý uzaqtyǵynyń artý qarqyny osy ǵasyrda baıaýlaýy múmkin. Sarapshylar tarapynan «adamzat óz denesiniń múmkindikteriniń bıologıalyq shegine jaqyndady» degen pikir aıtyla bastady. Bilikti mamandar qartaıý tek jasýshalardyń tozýynan ǵana emes, sonymen qatar, birneshe faktordy qamtıtyn kúrdeli jáne kópqyrly tetikterden turatynyn atap ótti. Qazirgi ýaqytta qartaıýdyń 10-15 túrli mehanızmi belgili, biraq olardyń barlyǵy bul prosestiń bir shıregi ǵana.
«Biz qartaıýdyń negizgi sebebin bilmeımiz jáne onyń sebebi men saldary ne ekenin naqty ajyrata almaımyz. Bul úlken paradoks (kereǵarlyq), evolúsıalyq jumbaq», - deıdi gerontologtar.
Sóıtse de búgingi tańda adamnyń ómir súrý uzaqtyǵynyń artýy baıaýlaǵanymen taıaý bolashaqta gendik ınjenerıanyń jetildirilgen nusqalarynyń arqasynda adamnyń ǵumyry uzara túspek.