Qazaqstan qarjygerler qaýymdastyǵynyń bas sarapshysy Ramazan Dosov teńgeniń dollarǵa shaqqandaǵy baǵamyna qatysty óz oıyn aıtty, dep habarlaıdy aqshamnews.kz.
Mamanyń aıtýynsha, Qazaqstan qor bırjasynda dollar baǵasynyń qubylyp turýy, negizinen búdjettik jáne kvazımemlekettik qorlardy paıdalanýǵa jáne shetel valútasyna degen maýsymdyq suranysqa baılanysty bolyp otyr. Bul óz kezeginde taýar ımportyndaǵy ınvestısıalyq jáne tutynýshylyq belsendilikti yntalandyrady.
«Sonymen qatar, Ulttyq bank biryńǵaı jınaqtaýshy zeınetaqy qoryndaǵy jınaqtardyń tabystylyǵyn arttyrý úshin zeınetaqy aktıvteriniń dollardaǵy úlesin 40%-ke jetkizý úshin shetel valútasyn kóbirek satyp aldy (buryn nysanaly kórsetkish 30%). Syrtqy ortadaǵy jaǵymsyz faktorlar, sondaı-aq Federaldy rezervtik júıeniń agressıvti mólsherlemeni tómendetý jáne Máskeý bırjasy (barlyq operasıalar) operasıalaryn toqtatý aldynda rúbldiń álsireýi saldarynan amerıka valútasynyń jahandyq nyǵaıýy boldy. Osy «katalızatorlardyń» úılesýi valúta naryǵyndaǵy suranys pen usynystyń qubylýyna jáne KASE-de dollar baǵamynyń aıtarlyqtaı ósýine ákeldi», - dep túsindiredi Ramazan Dosov.
Sarapshynyń sózinshe, ulttyq valúta baǵamynyń turaqsyzdyǵyna naqty sebepter joq. Ulltyq bank teńgeniń turaqtylyǵyn saqtaý úshin qajet bolǵan jaǵdaıda ıntervensıa jasaýǵa daıyn.
«Aldaǵy ýaqytta dollar baǵamy 480–482 teńge deńgeıin qaıta tómendeýi ábden múmkin»,- dedi ol.
Osyǵan deıin Qarjy sarapshysy Rasýl Rysmambetov teńge qunynyń álsireý sebebin túsindirdi.
Sondaı-aq Ulttyq bank tóraǵasy Tımýr Súleımenov, Máskeý bırjasy Qazaqstannyń qor bırjasy (KASE) aksıonerleri qatarynan shyqanyn jetkizdi.