Aýyl sharýashylyǵy jerlerin sheteldikterge berý týraly zańdy buzǵan sheneýnikterdiń jazasy kúsheıedi.
Budan bylaı olarǵa 30 aılyq eseptik kórsetkish kóleminde aıyppul taǵylady. Senatorlar tıisti ózgeristerdi maquldady, dep habarlaıdy Almaty-akshamy.kz
Endi sheteldikterdiń qatysýymen ashylǵan kompanıalarǵa, halyqaralyq uıymdar men ǵylymı ortalyqtarǵa, qandastar jáne sheteldikpen nekege otyrǵandarǵa jer beretinder qatań tekseriledi. Bul ózgerister mal jaıý men eginshilikke arnalǵan alqaptarǵa da qatysty. Eger jazaǵa tartylǵan jaýapty tulǵalar, mundaı áreketke ekinshi ret barsa, onda aıyppul somasy eki esege artady. Aıta keterligi, endi baqylaýdy jergilikti atqarýshy organdar emes, Aýyl sharýashylyǵy mınıstrliginiń ózi júrgizedi. Vedomstvo mamandary ákimshilik isterdi qarap, tólemderdi óndiretin bolady.
«Bul zań jer zańnamasyn buzǵany úshin jekelegen baptar boıynsha ákimshilik jaýapkershilikti naqtylaýǵa arnalyp otyr. Sonymen qatar zań sheńberinde jerdi paıdalaný men qorǵaýǵa memlekettik baqylaý júrgizetin organdardyń ókilettikterin qaıta qaraý kózdelgen. Jańa normalar jer ýchaskesine quqyq berý kezinde sybaılas jemqorlyq táýekelderin joıýǵa jáne jerdi paıdalaný men qorǵaýǵa qatysty memlekettik baqylaýdy kúsheıtýge múmkindik beredi dep senemiz», - deıdi QR Parlamenti Senatynyń tóraǵasy Máýlen Áshimbaev.