Ol 7 naýryzdan bastap qyzmetke kirisedi.
Dáýren Abaev TMD Bas hatshysynyń orynbasary bolyp taǵaıyndaldy, dep habarlaıdy Almaty-akshamy.kz
Bul týraly habarlaǵan Tengrinews.kz-tiń jazýynsha, aqparatty TMD Atqarý komıtetiniń baspasóz qyzmeti rastaǵan.
"Iá, biz Qazaqstan Respýblıkasy Syrtqy ister mınıstrliginen Dáýren Áskerbekuly Abaev Beketjan Mahatjanuly Jumahanovtyń ornyna keledi degen tapsyrma aldyq. Ol 7 naýryzdan bastap TMD Bas hatshysynyń orynbasary qyzmetine kirisedi. Onyń tájirıbesi TMD Atqarý komıtetindegi jumysyna jaqsy áser etedi dep esepteımiz", - dep jaýap berdi Atqarý komıteti.
Dáýren Áskerbekuly Abaev 1979 jyly Almaty oblysynda týǵan. 2001 jyly Ál-Farabı atyndaǵy Qazaq memlekettik ulttyq ýnıversıtetin úzdik bitirgen.
2001 jyldyń tamyzy men 2003 jyldyń tamyzy aralyǵynda Qazaqstan Respýblıkasy Syrtqy ister mınıstrliginiń ortalyq apparatynda jumys istedi.
2003 jyldyń mamyry men 2007 jyldyń mamyry aralyǵynda Qazaqstan Respýblıkasynyń Ázerbaıjandaǵy jáne Nıderland Koróldigindegi Elshilikterinde dıplomatıalyq qyzmet atqardy.
2007 jyldyń mamyry men 2007 jyldyń jeltoqsany aralyǵynda - Qazaqstan Respýblıkasy Syrtqy ister mınıstrliginiń Baspasóz qyzmeti bóliminiń bastyǵy.
2007 jyldyń jeltoqsany men 2008 jyldyń jeltoqsany aralyǵynda – Qazaqstan Respýblıkasy Prezıdenti Protokolynyń bas sarapshysy, konsýltanty.
2008 jyldyń jeltoqsany men 2009 jyldyń qazany aralyǵynda - Qazaqstan Respýblıkasy Prezıdenti Baspasóz hatshysynyń orynbasary.
2009 jyldyń qazanynan - Qazaqstan Respýblıkasy Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory.
2011 jyldyń qazanynda Memleket basshysynyń Ókimimen Qazaqstan Respýblıkasy Prezıdentiniń Baspasóz hatshysy bolyp taǵaıyndaldy.
2011 jylǵy shildeden - Qazaqstan Respýblıkasy Prezıdentiniń keńesshisi.
2016 jylǵy 6 mamyrdan Qazaqstan Respýblıkasy Aqparat jáne komýnıkasıalar mınıstri.
2019 jyldyń 25 aqpanynan bastap Qazaqstan Respýblıkasy Prezıdent Jarlyǵymen Qazaqstan Respýblıkasy aqparat jáne qoǵamdyq damý mınıstri bolyp taǵaıyndaldy.
2020 jyldyń 4 mamyrynan – Qazaqstan Respýblıkasy Prezıdenti Ákimshiligi basshysynyń birinshi orynbasary.
2021 jyldyń 11 qańtarynan 2023 jyldyń qańtaryna deıin — Qazaqstan Respýblıkasynyń Mádenıet jáne sport mınıstri qyzmetin atqardy.