QR Eńbek jáne halyqty áleýmettik qorǵaý mınıstrligi Densaýlyq saqtaý, Mádenıet jáne aqparat, Sıfrlyq damý jáne aeroǵarysh ónerkásibi mınıstrlikteriniń usynystary negizinde sheteldikterdiń Qazaqstan Respýblıkasynda turaqty turýǵa ruqsat alýy úshin talap etiletin kásipter tizbesin 30 jańa kásippen tolyqtyrdy.
Salalyq memlekettik organdar usynatyn tolyqtyrýlardy eskere otyryp, Tizbe densaýlyq saqtaý, jaratylystaný ǵylymdary, óńdeý ónerkásibi, IT-tehnologıalar, ınovasıalar jáne aeroǵarysh ónerkásibi jáne basqa da salalarda suranysqa ıe 51 kásipti qamtıdy.
Tizbede kózdelgen kásipteri bar sheteldikter ishki ister organdarynda 10 jylǵa nemese pasporttyń qoldanylý merzimine ońaılatylǵan tártippen turýǵa yqtıarhat resimdeı alady.
Jańartylǵan tizbe Qazaqstan Respýblıkasynyń normatıvtik quqyqtyq aktileriniń elektrondyq baqylaý bankinde alǵash resmı jarıalanǵan kúninen keıin kúntizbelik 10 kún ótken soń kúshine enedi.
Tizbedegi jańa mamandyqtar:
Anestezıolog-reanımatolog;
Dáriger akýsher-gınekolog;
Dáriger-pedıatr;
Sáýlelik dıagnostıka dárigeri;
Baǵdarlamalyq qamtylymdy ázirleýshi;
Baǵdarlamalyq ónimderdi qoldaý jónindegi maman;
Mobıldi qosymshany ázirleýshi;
Kompúterlik oıyndardy ázirleýshi;
Jasandy ıntellekt ınjeneri;
Úlken derektermen jumys jónindegi maman;
Aqparattyq júıeler sáýletshisi;
Qoldanba baǵdarlamashysy;
Aqparattyq-kommýnıkasıalyq tehnologıalar salasyndaǵy bıznes-taldaýshy;
Baǵdarlamalyq qamtylym dızaıneri;
Aqparattyq-kommýnıkasıalyq tehnologıalar jobalarynyń menedjeri;
Aqparatty qorǵaý ınjeneri;
Bulttyq esepteýler boıynsha maman;
Avtomattandyrý ınjeneri;
World Wide Web-ázirleýshi;
Baǵdarlamashy-taldaýshy;
Joǵary jáne (nemese) joǵary oqý ornynan keıingi bilim berý salasyndaǵy aqparattyq-tehnologıalyq jáne baǵdarlamalyq qamtamasyz etý jónindegi oqytýshy, dosent, profesor
Aqparattyq qaýipsizdik jónindegi maman;
Server ákimshisi;
Qoldanba ázirleýshisi;
Aqparatty qorǵaý jónindegi maman;
Grafıkalyq dızaıner;
Grafıkalyq anımasıa tehnıkasy;
Sýretshi-ıllústrator;
Dybys ınjeneri;
Beıne montajer.
Tizbeniń tolyq tizimimen https://adilet.zan.kz/kaz/docs/V2400034336 siltemesi boıynsha tanysýǵa bolady.