Los-Andjeleste ótetin bul baıqaýda álemniń 70-ten astam elinen keletin 2 000 oqýshy arasynda 9 mln. $ quraıtyn júlde qory sarapqa salynady.
Qazaqstan qurama komandasynyń músheleri bıylǵy oqý jylynyń respýblıkalyq ǵylymı jobalar konkýrsynyń qorytyndy kezeńinde irikteldi, olar:
Álıhan Jarbolov – Almaty qalasyndaǵy RFMM 11-synyp oqýshysy, óziniń matematıkalyq jobasymen;
Ábilmansur Rahmettýllaev – «Haileybury Astana» halyqaralyq mektebiniń 12-synyp oqýshysy, ınformatıka páninen;
Saıajan Jaqsyǵalıeva – Astana qalasyndaǵy «Mıras» halyqaralyq mektebiniń 11-synyp oqýshysy, hımıa páninen ǵylymı jobamen qatysady.
Cýret: Oqý-aǵartý mınıstrligi
Konkýrstyń saltanatty ashylý rásimi 13 mamyrda Tynyq muhıty ýaqyt beldeýi boıynsha saǵat 19.00-de ótedi.
Anyqtama úshin: Regeneron ISEF - 13 pen 18 jas aralyǵyndaǵy mektep oqýshylarynyń ǵylymı jáne ınjenerlik jetistikteriniń dúnıejúzilik kórme-konkýrsy. Ol jas ǵalymdardy anyqtaý men qoldaýǵa, qoldanbaly jáne irgeli ǵylymdar salasyndaǵy zertteýlerdi damytýǵa baǵyttalǵan.