Memleket basshysy Qazaqstan halqy Assambleıasynyń HHHİV sesıasynda sóılegen sózinde sheteldik úkimettik emes uıymdardyń keıbir áreketteri áshkerelengenin atap ótti. Olardyń túpki maqsaty – Qazaqstannyń turaqtylyǵyna qol suǵý ekenin jetkizdi.
"Olardyń aram nıeti, ashkózdigi men Qazaqstanǵa jany ashymaıtyny anyq kórindi", – dedi Prezıdent.
Sonymen qatar, belgili qazaqstandyq grant alýshylardyń da kóleńkeli áreketteri áshkere bolǵany aıtyldy. Bul jaıt qoǵam men bıliktiń shynaıy sergek bolýy qajettigin kórsetedi.
Qasym-Jomart Toqaev Qazaqstannyń ishki máselelerin tek ulttyq múdde men otandyq zańnama sheńberinde sheshetinin naqty aıtty.
"Qazaqstanda problema joq demeımiz. Árıne, basqa elderdegideı bizde de túıtkilder bar. Biraq biz ony áldekimderdiń ádistemesimen emes, ózimizdiń ulttyq múddemiz ben zańnama aıasynda sheshemiz", – dedi ol.