Qazaqstan Prezıdentí Qasym-Jomart Toqaev Qazaqstan halqy Assambleyasynyń HHHÍV sessıyasynda sóılegen sózínde elímízdíń tólqūjaty – kók pasporttyń mańyzyna erekshe toqtaldy. Ol būl qūjattyń qazírgí tańda tek jeke bas kuálígí ǵana emes, ūlttyq bíregeılíktíń nyshanyna aınalǵanyn atap óttí. Būl turaly Aqshamnews.kz saıty habarlaıdy.
Memleket basshysynyń aıtuynsha, Qazaqstan Respublıkasy tólqūjatynyń halyqaralyq deńgeıdegí abyroıy jyl ótken saıyn artyp keledí. Būl elímízdíń syrtqy sayasattaǵy salmaǵy men íshkí tūraqtylyǵynyń nátıjesí.
"Kók pasportymyz ūlttyq bíregeılígímízdíń aıqyn nyshanyna aınaldy. Jyl ótken saıyn tólqūjatymyzdyń abyroı-bedelí kóterílíp keledí", – dedí Prezıdent.
Búgínde Qazaqstandy tūraqty tūruǵa nemese sayahattauǵa qolaıly el retínde tańdaıtyn sheteldík azamattardyń sany artyp keledí. Būl – elímízdíń beıbít, qauípsíz, ashyq qoǵam ornatudaǵy jetístíkteríníń naqty kórínísí.
Toqaev Qazaqstannyń halyqaralyq reıtıngterdegí pozıtsıyasyna da toqtalyp, būl kórsetkíshterdíń memlekettíń damu deńgeıín naqty aıqyndaıtynyn aıtty.
"Qazaqstan bedeldí halyqaralyq reıtıngterdegí qauípsízdík ındeksí boıynsha aınalamyzdaǵy kóptegen memleketterdíń báríníń derlík aldynda tūr", – dedí Memleket basshysy.
Sonymen qatar, «Tártíp pen qauípsízdík» kórsetkíshí boıynsha elímíz 142 eldíń íshínen 43-orynǵa jaıǵasqan. Būl – qūqyqtyq tártíp pen azamattardyń qorǵanysynyń halyqaralyq deńgeıde moıyndaluy.
Kók pasport búgínde tek azamattyqtyń belgísí ǵana emes, Qazaqstannyń íshkí tūraqtylyǵy men halyqaralyq arenadaǵy bedelíníń sımvolyna aınaldy. Memleket basshysy atap ótkendeı, būl – el táuelsízdígíníń, ūlttyq bíregeılíktíń jáne damyǵan qūqyqtyq júıeníń naqty kórínísí.