Kólik mınıstrligi sheteldik ruqsat blankilerin berýdiń jańa, jetildirilgen tetigin ázirledi.
Jańa mehanızm adamı faktordy jáne sybaılas jemqorlyq táýekelderin joıady, dep habarlaıdy aqshamnews.kz atalǵan mınıstrlikke silteme jasap.
Sheteldik ruqsat blanki (SHRB) — bul tasymaldaýshylarǵa júkpen shetelge shyǵýǵa múmkindik beretin qujat.
1. SHRB alýǵa ótinimdi qaraýdyń barlyq prosesi tolyǵymen avtomattandyryldy, al qaraý jáne berý merzimi qysqartyldy. Aldymen tasymaldaýshy E-license platformasy arqyly SHRB alýǵa suranysty toltyrýy kajet. Suranysty qaraý merzimi 2 jumys kúninen 40 mınýtqa deıin, al SHRB berý 8 kúnnen 1 kúnge deıin qysqartyldy;
2. Buryn blankilerdi berý júıesi tarıhı aqparat boıynsha jumys istegen edi. Máselen, tasymaldaýshylardyń ótken jylǵy jumysy nemese halyqaralyq tasymaldardaǵy tájirıbesieskerildi. Jańa erejege sáıkes tasymaldaý tarıhy men ótken jyly kóliktiń qanshalyqty belsendi paıdalanylǵany mańyzdy emes. Iaǵnı, qalaýy men tıisti ruqsaty bar kez kelgen tasymaldaýshy ruqsat blankin ala alady. Bul qazaqstandyq tasymaldaýshylar arasynda neǵurlym básekege qabiletti orta qurýǵa múmkindik beredi.
3.Endi tapshy blankilerde kompanıanyń ataýy jáne avtomobıldiń memlekettik nómiri kórsetiledi.
4.Jańa tetik sheńberinde avtomobılderdiń kirý jáne shyǵý faktilerin tirkeý «Búrkit» aqparattyq júıesi arqyly júzege asyrylady. Bul óz kezeginde SHRB-ny kóleńkeli naryqta qaıta satýdyń alǵysharttaryn joqqa shyǵarady.
5.Tasymaldaýshynyń jeke kabınetine habarlama kelgen sátten bastap 30 kún ishinde naqty blank boıynsha shetelge shyǵýǵa bolady. Eski mehanızm boıynsha bul kórsetkish 100 kúnge jetken.
6. Buryn tólem eki jolmen júzege asyrylǵan: ekinshi deńgeıdegi bankter arqyly nemese onlaın, mindetti merzimi 5 jumys kúnine deıin. Endi tek onlaın tólem qarastyrylǵan, ol 40 mınýt ishinde oryndalýy kajet. Tólem týraly aqparat elektrondyq úkimettiń tólem shlúzi arqyly alynady.
7.Búgingi tańda Qazaqstan 42 elmen sheteldik ruqsattarmen almasýdy júzege asyrady. Bıyl rekordtyq almasý jasaldy — 364 705 SHRB.