Otbasynyń tsıfrlyq kartasyn engízudíń nátıjesínde 2024 jyl bastalǵaly 482,4 myńnan astam adamǵa memlekettík qyzmetterdí proaktıvtí kórsetu úshín SMS-habarlama joldandy.
Būl rette ótínísh berusíz járdemaqy nemese tólem alu múmkíndígín 210 myń adam paıdalandy, dep habarlaıdy aqshamnews.kz.
Otbasynyń tsıfrlyq kartasy memlekettík organdardyń qoldanystaǵy barlyq aqparattyq júıeleríníń derekterí negízínde qalyptastyrylady. Búgíngí kúnde onda Qazaqstannyń 20 mln azamaty nemese 6 mln-nan astam otbasy turaly aqparat jınaqtalǵan.
OTsK engízudíń basty maqsaty – qazaqstandyqtardyń memlekettík qoldau júıesíne teń qoljetímdílígín qamtamasyz etu. Osyǵan baılanysty QR Áleumettík kodeksínde Otbasynyń tsıfrlyq kartasy áleumettík sayasattyń orta jáne ūzaq merzímdí míndetterí men baǵyttaryn aıqyndau qūraly retínde belgílengen. Sondaı-aq, OTsK azamattardyń áleumettík mártebesíne baılanysty kepíldendírílgen memlekettík qoldaudyń qandaı da bír túrín aluǵa qūqyqtary turaly kúndelíktí «elektrondyq habarlama» bolyp tabylady.
Qazírgí uaqytta OTsK memlekettík qoldau sharalaryn aluǵa qūqyǵy bar qazaqstandyqtarǵa qandaı da bír ótíníshtersíz járdemaqylar men áleumettík tólemderdíń 10 túrín resímdeuge múmkíndík beredí. Olar eńbek etu qabíletínen aıyrylǵan jaǵdaıda tólenetín áleumettík tólem; jūmysynan aıyrylǵan jaǵdaıda tólenetín áleumettík tólem, asyraushysynan aıyrylu boıynsha tólenetín áleumettík tólem nemese járdemaqy, múgedektígí bar balany tárbıelep otyrǵan ata-anasyna (qamqorshysyna) járdemaqy, múgedektígí boıynsha járdemaqy, kópbalaly otbasylarǵa beríletín járdemaqy, «Altyn alqa» jáne «Kúmís alqa» alqalarymen marapattalǵan kópbalaly analarǵa beríletín járdemaqy, atauly áleumettík kómek, sondaı-aq jerleuge arnalǵan bírjolǵy tólem.
Sondaı-aq, OTsK arqyly zeınetaqy tólemderín alu múmkíndígí, «qandas» mártebesí berílgende nemese ūzartylǵanda mártebeníń ayaqtalu merzímí jáne jūmyssyz adamdar úshín jūmyspen qamtu sharalary turaly avtomatty habarlamalar íske asyryldy.
Memlekettík qoldau sharalaryn aluǵa qūqyq belgílengen kezde áleuettí alushyǵa 1414 bíryńǵaı baılanys ortalyǵynan SMS-habarlama jíberíledí. Habarlama alǵan azamat oǵan kelísímí turaly jauap beruí kerek. Ótíníshtí resímdeu jáne áleumettík járdemaqy nemese tólem taǵaıyndau avtomatty rejımde júrgízíledí, sodan keıín aqsha qarajaty alushynyń bank shotyna audarylady.
Alayaqtyq táuekelín boldyrmau maqsatynda 1414 bíryńǵaı baılanys ortalyǵynan kelíp túsken SMS-ke jauap beru qajettígín atap ótemíz.
Barlyq sūraqtar boıynsha 1414 nómírí boıynsha Call-ortalyqqa habarlasyńyz. Qońyrau shalu tegín.