Sheteldik kólikterdi zańdastyrý – bir rettik aksıa.
Qazir elimiz boıynsha saqtandyrý polısi arqyly júrgen 300 myńnan astam sheteldik avtomobıl bar, dep habarlaıdy Almaty-akshamy.kz
Bul týraly Astana qalasy polısıa departamenti ákimshilik polısıa basqarmasynyń bastyǵy Eljan Chýpekov jaýap berdi.
«Sheteldik kólikterdi zańdastyrý – bir rettik aksıa. Ol bıyl 23 qańtarda bastalyp, 1 shildege deıin jalǵasady. Sheteldik avtomobıldi talap boıynsha tirkemegen jaǵdaıda zańǵa sáıkes jaýapkershilik qarastyrylady. Elimizdegi sheteldik kólikterdiń deni saqtandyrý polısi negizinde qoldanylyp júr. Eger avtomobıldi belgilengen ýaqytta zańdastyrmaǵan jaǵdaıda, saqtandyrý polısi toqtatylyp, kólik komýnaldyq avtoturaqqa qoıylady», - dedi Eljan Chýpekov.