Ákimshilik polısıa komıteti tóraǵasynyń orynbasary Serik Túsipov shetelden ákelingen kólikti nege senimhatpen, saqtandyrý qujattary arqyly satyp alýǵa bolmaıtynyn túsindirdi, dep habarlaıdy almaty-akshamy.kz
«Avtomobıldi senim hat nemese saqtandyrý qujaty arqyly satyp alýdyń da táýekelderi bar. Eger kóliktiń ıesi sheteldik bolsa, kólik salyǵynan jaltarý úshin kez kelgen ýaqytta óz elinde tirkeýden alǵyzyp tastaýy múmkin. Osylaısha, Qazaqstandaǵy ıesi táýekelge tap bolady. Jol apaty bolǵan jaǵdaıda saqtandyrý kompanıalary kelgen shyǵyndy aqshalaı óteýden bas tarta alady», - dedi ol vedomstvonyń aqparat alańynda ótken onlaın brıfıńide.
Onyń málimeti boıynsha, qazan aıynan beri elimizdiń 3 qalasynda osyndaı problemasy bar 30 kólik anyqtalǵan.
«Petropavl, Óskemen, Semeı qalalarynda dál osy táýekel boıynsha tekserý júrgizdik. Senimhatpen nemese saqtandyrý qujattary arqyly satylǵan 30-ǵa jýyq kólik bar bolyp shyqty. Túıindesek, senimhatpen nemese saqtandyrý qujattary arqyly kólik satyp alý azamattarymyzdy táýekelge tap keltiredi. Sondyqtan İshki ister mınıstrligi qazaqstandyqtarǵa sheteldik tirkeýi bar kólik satyp alǵan kezde atalǵan táýekelderdi eskerip, kelisimniń bárin qatań túrde Qazaqstan zańnamasynyń aıasynda rásimdeý qajettigi eskertedi», - dedi Serik Túsipov.