Almaty tehnologıalyq ýnıversıtetiniń rektory T.Qulajanovtyń áleýmet aldyndaǵy eseptik kezdesýi kezinde negizgi oı osy taqylettes órbidi. Rektor Almaty tehnologıalyq ýnıversıtetiniń ótken oqý jylynyń esebi men keler oqý jylynyń strategıalyq josparlaryn ortaǵa saldy.
Tehnologıalyq ýnıversıtettiń bilim berýdegi tıimdiligi men joǵary sapasyna ulttyq reıtıńterden túspeı kele jatqandyǵynan-aq belgili. Sońǵy jyldary ATÝ halyqaralyq bilim berý torabyna ıntegrasıa jasap jatyr. Ol álemdik deńgeıdegi TOP–500 úzdik oqý ordalarymen seriktestik ornatty. Tájirıbe jáne aldyńǵy qatarly ınovasıalyq bilim tehnologıalaryn almasý, dıdaktıkalyq modelder tanýda satylap damyp keledi. Sońǵy 2 jylda 42 synyp jabdyqtalypty.
Rektordyń aıtýynsha, osy oqý jylynda profesorlyq-oqytýshylar quramy men qyzmetkerler ótetin pánine saı biliktilik talaptaryna saı qyzmet kórsetti. Bıyl olardyń jalaqylary paıyzdyq mólsherde óskenin málim etti. Esep berý kezinde profesorlyq-oqytýshylyq quramnyń jyl boıy alǵan jetistikteri men marapattary da atap ótildi. Ýnıversıtet oqytýshylyq quramdy úzdiksiz biliktiligin kóterý kýrstaryna jiberip, Jazǵy mektepke qatystyryp, túrli sheteldik taǵylymdamalar men kýrstarǵa jiberýdi uıymdatyryp otyratyndyǵy tilge tıek boldy. Tehnologıalyq sala boıynsha ǵylymı-ınnovasıalyq jobalar júzege asyryldy. Jalpy alǵanda elimizdiń keleshegine ǵylymı-zertteý, ǵylymı-ınnovasıa salalary boıynsha bul ýnıversıtet túlekteriniń qosar úlesi zor bolmaq.
Ýnıversıtettiń 2025 jylǵa deıingi strategıalyq josparynda basty baǵyttar aıqyndalǵan. Olardyń qatarynda elimizdiń ekonomıka salasyn básekege qabiletti kadrlarmen qamtamasyz etý; álemdik tendensıalarǵa saı bilim berýdi modernızasıalaý; eldiń ındýstrıaldy múddesine ǵylymı turǵyda úles qosýyn qamtamasyz etý kózdelgen. Bolashaqta QS reıtıńi boıynsha Shyǵys Eýropa men Ortalyq Azıa elderinde Top – 100 halyqaralyq reıtıńke ený jáne ýnıversıtetter arasyndaǵy Top – 1000 álemdik QS reıtıńine ený 2025 jylǵa deıin josparlanyp otyr.
Rektordyń baıandaýynan keıin birshama stýdentter suraq qoıdy. Rektordan saýaldaryna jaýap aldy. Budan bólek Qamqorshylyq keńestiń tóraıymy M.Sabralıeva sóz alyp, Qamqorshylyq keńestiń múshesi bolǵan 25 kompanıanyń basshylarynyń onlaın leksıa oqyp, stýdentterge baǵyt-baǵdar berýge daıarlyǵyn erekshe atap ótip, olarǵa alǵys bildirdi. Kezdesýge Áýezov aýdany ákiminiń orynbasary Dastan Qaıratuly qatysyp, óz tilektestigin bildirdi. Qamqorshylyq keńestiń múshesi Ótegenova Ǵalıa Parhatovna jumys berýshiler men ATÝ-dyń arasyndaǵy seriktestikke razylyǵyn bildirdi, jas mamandardy daıarlaý isine tikeleı aralasýǵa múmkindik berip otyrǵan ýnıversıtet basshylyǵyna alǵys aıtty. Stýdentterdiń ata-analary atynan Emreeva Akmaral Erulanqyzy jáne Turǵynbaeva Gúlzada Malaıqyzy alǵystaryn aıtty. 3 kýrs stýdenti Tapalov Dımash jáne N.Nazarbaev atyndaǵy qordyń stıpendıaty, 4 kýrs stýdenti Karabaeva Aıymgýl – ATÝ-ǵa alǵan bilimderi men sony usynys-ıdeıalarǵa ashyqtyǵy úshin óz alǵystaryn baıan etti.