Elde sıklondar áserinen aýa raıynyń turaqsyzdyǵy baıqalady
2021 jyldyń 19-21 qazan aralyǵynda elde kún sýytady, dep habarlaıdy Almaty-akshamy.kz
Bul týraly «Qazgıdromet» RMK habarlady.
Boljamǵa sáıkes, úndi jazyn Qazaqstan aýmaǵyna ákelgen antısıklonnyń yqpalynan elimizdiń shyǵysynda ǵana kún jaýyn-shashynsyz jyly bolady.
Respýblıkanyń qalǵan bóligine Mýrmansk aýdandarynan kelgen sıklon áser ete bastaıdy. Ol el aýmaǵy arqyly jyljyp, jańbyr men qar aralas jańbyr jaýýyna yqpal etedi. Sondaı-aq, kóktaıǵaq bolyp, jel kúsheıedi, soltústikte jaıaý burqasyn soǵyp, aýa temperatýrasy tómendeıdi.