28 tamyz kúni «Halyqaralyq baǵdarlamalar ortalyǵy» shetelde ǵylymı taǵylymdamadan ótinish qabyldaý bastaıdy, dep habarlaıdy Almaty-akshamy.kz.
Shetelde ǵylymı taǵylymdamadan (500 ǵalym) ótý úshin konkýrstyq irikteýge qatysýǵa ótinish berý 13 qazanǵa deıin jalǵasady. Respýblıkalyq komısıa grant taǵaıyndaýdy jeltoqsan aılarynda júzege asyrady.
Konkýrsqa qatysý úshin qujattardy «Halyqaralyq baǵdarlamalar ortalyǵy» AQ-da myna mekenjaıda:
Astana qalasy, Syǵanaq k-si, 70-úı «Syǵanaq» bıznes ortalyǵy, 5-qabat, 508-kabınette qolma qol (qaǵaz júzinde, sondaı-aq elektrondy tasymaldaǵyshtaǵy skanerlengen nusqasy) qabyldanady.
«Eskerte keteıik: Qujatty úshinshi tulǵa kelip tapsyrǵan jaǵdaıda – konkýrstyq irikteýge qatysýǵa qujat tapsyrý úshin ókildiń atyna berilgen úmitkerden notarıaldy kýálandyrylǵan senimhattyń túpnusqasy bolýy qajet», dep jazdy «Halyqaralyq baǵdarlamalar ortalyǵy»