Osy qylmysty jasady degen kúdikti qolǵa tústi.
Medeý aýdanynyń polıseıleri Almaty oblysynyń 34 jastaǵy turǵynyn ustady, dep habarlaıdy Almaty-akshamy.kz Polisia.kz-ke silteme jasap.
«1989 jyly týǵan I.esimdi azamat tereze arqyly bóten bireýdiń úıine kirip, odan jasyryn túrde seıfti urlap ketken. Seıftiń ishinde iri kólemde aqsha boldy. Urlyq bolǵan kezde úı ıeleri bolmaǵan, olar birneshe kún buryn demalysqa ketken. Otaǵasynyń aıtýynsha, ol jeke kásipker. Onyń seıfinde 250 myń dollar bolǵan. Jedel jáne arnaıy is-sharalardyń nátıjesinde qylmys ashyldy. Kúdikti ustalyp, kinásin moıyndady. Kúdiktiniń turǵylyqty jerinde tintý júrgizildi. Ol urlanǵan aqshany tyǵyp qoıǵan. Aıǵaqty zattar tárkilenip, qylmystyq is materıaldaryna tirkeldi», – dedi Medeý aýdandyq polısıa basqarmasynyń bastyǵy İlıas Ómirserikov.
QR QPK-niń 201-babyna sáıkes, ózge aqparattar tergeý múddesine oraı jarıalaýǵa jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.