Kúı dodasy Qurmanǵazy atyndaǵy orkestrde ótedi.
Bul týraly Ortalyq komýnıkasıalar qyzmetindegi brıfıńte Mádenıet jáne sport mınıstrligi Mádenıet komıteti tóraǵanyń orynbasary Danıar Álıev málim etti, dep habarlaıdy Almaty-akshamy.kz QazAqparatqa silteme jasap.
«16-23 qyrkúıekte 16-35 jas aralyǵyndaǵy kúı salasynyń bilikti mamandary men jastar qatysqan respýblıkalyq «Shertpe kúı» dástúrli mýzyka festıvali óz mejesine jetedi. Atap aıtqanda, ol 3 jeltoqsanda Almaty qalasynda Qurmanǵazy atyndaǵy orkestrde qorytyndylanady. Bas júlde - 1 mln teńge. Al, 1-oryn - 750 myń, 2-oryn – 500 myń, 3-oryn – 300 myń teńge», - dedi Danıar Álıev.
Sonymen qatar, atalǵan festıválge qatysýshylarǵa arnaıy syılyqtar da tabystalady.
Konkýrstyń fınalynda baq synaıtyn 45 dombyrashynyń ónerine Janǵalı Júzbaı, Seken Turysbekov, Bilál Ysqaqov, Murat Abýǵazy jáne Batyrjan Myqtybaev sıaqty shertpe kúıdiń maıtalmandary qazylyq etedi.