Qazaqstandyq jas oryndaýshy Sherhan Arystan XXI Halyqaralyq «Vıtebsk» balalar mýzykalyq baıqaýynyń Gran-prıin jeńip aldy, dep habarlaıdy Almaty-akshamy.kz BELTA-ǵa silteme jasap.
Sherhan Arystan júldeni «Vıtebskidegi slaván bazary» XXXII halyqaralyq óner festıvaliniń ashylý saltanatynda Belarýs Prezıdenti Aleksandr Lýkashenkonyń qolynan aldy.
Qazylar alqasy 12 jastaǵy Sherhan Arystanǵa eki kúnde eń joǵary baǵa – 70 baldan berdi. Ol barlyq qarsylastaryn jeńip, 140 upaı jınady.
Baıqaýdyń birinshi kúninde ol Andrea Bochellı, Devıd Foster jáne Emı Fosterdiń Ama, Credi e vai («Súı, sen jáne bar») kompozısıasyn oryndady.
BELTA-nyń jazýynsha, jas oryndaýshy myqty vokaldyq ónerin kórsetip, kórermender men qazylar alqasyn tańqaldyrdy. Sherhan týǵan elinde tanymal estrada juldyzy bolýdy armandaıtynyn aıtty.
Belarýs eliniń atynan óner kórsetken Sofıa Rýstamova baıqaý kóshbasshysynan nebári 4 upaı artta qaldy. Baıqaýdyń birinshi kúninde ol 66 upaı, al ekinshi kúni - 70 upaı jınady.