Narazylar máseleni sheshý úshin Argentına bıliginiń aralasýyn suraıdy
Chılı men Argentına shekarasynda júzdegen júk kóligi uzyn-sonar kezekte tur, dep habarlaıdy Almaty-akshamy.kz «Habar 24» telearnasyna silteme jasap.
Bul jaǵdaıǵa sanıtarlyq talaptar sebep bolǵan. Saldarynan Argentınadan shyqqan júrgizýshiler Chılıge kire almaı álek. Aqparat kózderiniń habarlaýynsha, Krısto-Redentor beketinde jınalǵandar bir aptadan beri dalada túnep júr. Júrgizýshiler as-sý men janarmaıdyń azaıǵanyn aıtyp shaǵymdanýda. Narazylar máseleni sheshý úshin Argentına bıliginiń aralasýyn suraıdy.
«Jaǵdaıymyz óte qıyn. Jergilikti bılik bul máseleni shuǵyl sheshý kerek. Dızeldik otynnyń bitýine az qaldy. Jaqyn arada tońazytqyshtarymyz da istemeıtin bolady. Kóliktiń qozǵaltqyshy kúni-túni óshpeı jumys istep tur. Keıbireýlerdiń qozǵaltqyshy isten shyqqan»,-deıdi júrgizýshi Sezar.
Al Kanadanyń Ottava qalasynda da júk kólikteriniń júrgizýshileri narazy. Ulttyq parlament ǵımaratynyń aldyna jınalǵandar karantındik shekteý sharalaryna qarsy shyqty. Narazylar bılikten mindetti vaksınalaý men sanıtarlyq talaptardyń kúshin joıýdy talap etti.