Jekpe-jektiń úsh raýndy da qazaqstandyqtyń basymdylyǵymen ótti
Qazaqstandyq faıter Baǵdat Jubanysh Abý-Dabıde ótken MMA-dan álem chempıonatynda álem chempıony atanyp, tarıhı jetistikke qol jetkizdi, - dep jazdy Vesti.kz.
Baǵdat Jubanysh úsh márte álem chempıony atanyp MMA tarıhynda rekord ornatty. Bul Halyqaralyq aralas jekpe-jek federasıasy (IMMAF) tarıhynda mundaı rekordqa qol jetkizgen alǵashqy faıter.
Ol fınaldyq jekpe-jekte reseılik Farhod Rahmonalıevti jeńip, MMA tarıhynda tuńǵysh ret úsh dúrkin álem chempıony atandy. Jekpe-jektiń úsh raýndy da qazaqstandyqtyń basymdylyǵymen ótken. Nátıjesinde tóreshiler biraýyzdan jeńisti Jubanyshqa bergen.
Odan bólek, 65,8 kelige deıingi salmaqta synǵa túsken shymkenttik Bekzat Jasıa MMA boıynsha eresekter arasyndaǵy álem chempıonatynyń ekinshi altynyn qanjyǵasyna baılanǵan. Ol aqtyq synda ıspanıalyq Hýan Izkýerdony jeńdi.
View this post on Instagram