Jartylaı fabrıkattardan keletin zıan, kóbine kózge kórine bermeıdi
Dıetolog jáne endokrınolog Alekseı Kalınchev fast-fýd pen jartylaı fabrıkattardy únemi qoldaný qandaı aýyr zardaptarǵa ákelip soǵýy múmkin ekenin aıtty, dep habarlaıdy Almaty-akshamy.kz Zakon.kz-ke silteme jasap.
Kalınchev RT-ǵa bergen suhbatynda fas-fýt jáne jartylaı daıyn tamaqtarmen únemi tamaqtaný denedegi maıdy arttyratynyn aıtty. Aldymen bul - artyq salmaq, sodan keıin semizdik. Damyǵan elder halqynyń 60% osyndaı problemaǵa tap kelgen. Al salmaq qospaıtyn adamdarda sozylmaly asqazan-ishek aýrýlary, sozylmaly gastrıt, pankreatıt, holelıtıaz kúsheıip, túrli aýrýlar údeıdi.
Sonymen qatar, mundaı rasıon sellúlıttiń paıda bolýyna ákelip soqtyrýy múmkin. Bul, ásirese fas-fýtty jıi tutynatyndardan baıqalady, al jartylaı fabrıkattardan keletin zıan, kóbine kózge kórine bermeıdi, - deıdi sarapshy.
Onyń aıtýynsha, jartylaı fabrıkattardy anda-sanda qoldanýǵa bolady, biraq kúnine úsh ret ystyq tamaq ishken jaǵdaıda.