2024 jyldyń sáýir aıynda Qazaqstan Respýblıkasy Ulttyq qaýipsizdik komıtetiniń Shekara qyzmeti quzyrly organdarmen birlese otyryp, shekaralyq aımaqta Qazaqstan Respýblıkasynyń zańnamasyn buzýshy 3 186 adamdy quryqtady, dep habarlaıdy almaty-akshamy.kz.
Onyń ishinde 38 sheteldik shekarany buzsa, 29-y buzýǵa árekettengen, dep habarlady Ulttyq qaýipsizdik komıtetiniń baspasóz qyzmeti.
Sondaı-aq, memlekettik shekara arqyly zańsyz ótýdiń 1342 faktisine tosqaýyl qoıyldy, onyń ishinde:
- esirtki zattary – 49 fakti, jalpy salmaǵy – 780 kg astam;
- qarý, oq-dári – 36 fakt;
- dinı ádebıet – 38 fakt (842 dana);
- janar-jaǵarmaı materıaldary – jalpy somasy 12 mln.teńgeden astam 341 fakt (133 tonnadan astam);
- tutyný taýarlary – jalpy somasy 3,4 mlrd teńgeden astam 744 fakt;
- valúta – jalpy somasy 1,5 mlrd teńgeden astam 134 fakti.
Vedomstvoda atalǵan faktiler boıynsha materıaldar tártip buzýshylardy jaýapkershilikke tartý úshin quqyq qorǵaý jáne sot organdaryna joldanǵanyn atap ótti.
2024 jyldyń sáýir aıynyń sońynda UQK qyzmetkerleri shetelden esirtki jetkizýdiń halyqaralyq arnasyn joıdy.