Endi bankter azamattardyń nesıe júktemesine qaramaı avto kredıt berýi múmkin.
Bul jobany Qarjy naryǵyn retteý jáne damytý agenttigi usynyp otyr. Qujat ashyq úkimet portalyna talqylaýǵa shyǵaryldy. Onda 15 mamyrǵa deıin pikir qaldyrýǵa bolady. Bul talap 1 sáýir men 31 jeltoqsandy qosa alǵandaǵy kepilmen jańa kólik quralyn satyp alý maqsatynda berilgen nesıelerge qoldanylmaıdy, dep habarlaıdy Almaty-akshamy.kz.
Dese de, bul máselede sarapshylardyń pikiri ekige jarylyp otyr. Biri avtonesıeni ońdy-soldy úlestirý beıbereketsizdikke ákelýi múmkin, - deıdi. Sebebi, qazirdiń ózinde bank aldyndaǵy bereshegin 90 kúnnen asyryp alǵan 1,2 mıllıon qazaqstandyq bar. Endi biri bul órkenıetti elderdegi bar tájirıbe, sondyqtan qoldaýǵa bolatynyn aıtady.
Saparbaı Jobaev, Ekonomıs:
Mıkro kredıttik uıym ne bolmasa bank, qarjy júıesi avtomoıýıldiń ózin satyp-aq óziniń bergen aqshasyn qaıtaryp alý múmkindigi bar degen pikir osy jerde kelip tur. Men oılaımyn, bul ádettegi órkenıetti elderde mundaı úrdis bar. Muny qoldasa bolady.
Nurjan Bıaqaev, Táýelsiz sarapshy:
Kóliktiń 100 nemese 200 teńge turmaıtyny anyq. Erteń bir kún tóleı almaı qalsańyz ósimpul negizgi somanyń negizinde júredi. Endi eseptep kórińiz, temir tulparlardyń eń arzany 7,8,10 mıllıon teńge turady. Bul bank pen avtomobıl óndirýshiler úshin ǵana tıimdi. Budan keıin problemalyq kredıttiń sany odan ári artpasa, kemimeıdi.