Bolgarıanyń Varna qalasynda matematıkadan 41-shi Balqan olımpıadasy (BMO) aıaqtaldy.
Oǵan 22 elden 130-dan astam oqýshy qatysty. Bilim dodasynda bizdiń oqýshylarymyz jalpy komandalyq úshinshi oryndy jeńip aldy, dep habarlaıdy Almaty-akshamy.kz Oqý-aǵartý mınıstrligine silteme jasap.
Ulttyq qurama qorjynynda 1 altyn, 3 kúmis jáne 2 qola bar.
Altyn: Jan Daýtov — Qostanaı qalasyndaǵy «Bilim-ınnovasıa» mektep-lıseıiniń 11 synyp oqýshysy;
Kúmis: Ámirlan Amanjolov — Almaty qalasyndaǵy RFMM 10 synyp oqýshysy; Mıron Iýrkevıch — Almaty qalasyndaǵy Haileybury Almaty halyqaralyq mektebiniń 12 synyp oqýshysy; Marǵulan Sharel — Taraz qalasyndaǵy «Bilim-ınnovasıa» mektep-lıseıiniń 10 synyp oqýshysy;
Qola: Tımýr Murat — Almaty qalasyndaǵy RFMM 10 synyp oqýshysy; Ámir Sahıpov – Almaty qalasyndaǵy RFMM 10 synyp oqýshysy.
Jetekshileri - PhD doktory, profesor, KBTU-niń akademıalyq suraqtar jónindegi prorektory Asylbek Isahov jáne matematıkadan respýblıkalyq, halyqaralyq olımpıadalardyń júldegeri Qanat Satylhanov.
Aıta ketsek, Qazaqstan qurama komandasynyń matematıkadan 41-shi Balqan olımpıadasyna qatysýy - bıylǵy jyldyń 11-24 shilde aralyǵynda Ulybrıtanıada ótetin matematıkadan halyqaralyq olımpıadaǵa (IMO) daıyndalý jáne tájirıbe jınaqtaý bolyp tabylady.