«Qazaqstanda shegirtkeden chıpsy qashan jasalady?» – degen jýrnalıske ulttyq ekonomıka mınıstri osylaı jaýap berdi.
Jýrnalıser mınıstrge ótken jyly shegirtke qaptaǵan kezde aıtqan sózin eske saldy. Sol kezde Serik Jumanǵarın shegirtkege qatysty bul – keıbir elderde taǵam retinde qoldanylatyn halal ónim dep málimdegen bolatyn. Osyǵan oraı jýrnalıserdiń biri: «Qazaqstanda shegirtkeden chıpsy qashan jasalady?» – dep surady. Osy suraqtan keıin birneshe mınýtqa sozylǵan pikirtalas bastalyp ketti. Jumanǵarın shegirtkeni jeýge eshqashan úgittemegenin aıtty.
– Men qashan shegirtkeden chıpsy jasaıyq dep usynys aıttym? Neni oıdan shyǵaryp otyrsyzdar? Men ol shegirtkeni jeý kerek dep aıtqan joqpyn! Qaıta-qaıta nege burmalap aıtyp otyrsyzdar? Men tek onyń halal ónim ekenin aıttym. Bul málimetti Qazaqstan musylmandary dinı basqarmasy da rastady. Biraq men ony jeý kerek dedim be? Jeımin deseńder – ózderiń bilińder, – dep jaýap berdi mınıstr.