«Qazgıdromet» RMK aldaǵy kúnderge arnalǵan aýa raıy boljamyn jarıalady.
Sınoptıkterdiń málimetinshe, soltústik-batys sıklonynyń jáne onymen baılanysty atmosferalyq fronttardyń ótýine baılanysty respýblıkanyń basym bóliginde turaqsyz aýa raıy kútiledi: jańbyr, naızaǵaı, ekpindi jel. Kúndiz soltústik pen soltústik-batys óńirlerde kúshti jańbyr jaýady, burshaq túsýi múmkin. Ońtústik-batysta, ońtústikte jáne ońtústik-shyǵysta shańdy daýyl kútiledi, dep habarlaıdy aqshamnews.kz.
«Qazaqstannyń soltústiginde aýa temperatýrasynyń azdap tómendeýi boljanady: túnde 10-17 gradýstan 8-15 gradýs jylyǵa deıin, kúndiz 25-30-dan 18-23 gradýs jylyǵa deıin. Shyǵysta aýa temperatýrasy sál joǵarylaıdy: túnde 7-18-den 9-20 gradýs jylýǵa deıin, kúndiz 22-33-ten 24-35 gradýs jylýǵa deıin. Ońtústik-shyǵysta da azdap kóterilýi múmkin: túnde 5-15-ten 7-17 gradýs jylýǵa deıin, kúndiz 22-30-dan 25-35 gradýs jylýǵa deıin. Ońtústik óńirlerde kúndiz qatty ystyq kútiledi – 40-42 gradýsqa deıin», - delingen sınoptıkter boljamynda.