Qostanaıda Aýyl sharýashylyǵy mınıstrliginiń agroınspektory para alǵany úshin sottaldy
Qostanaıda Aýyl sharýashylyǵy mınıstrligi janyndaǵy agroónerkásiptik keshendegi memlekettik ınspeksıa komıtetiniń tóraǵasy Darhan Ábdikárimovke sot úkimi shyqty. Ol birneshe mıllıon teńge kóleminde para alǵany úshin aıyptalǵan, dep habarlaıdy aqshamnews.kz
Bul oqıǵa bıylǵy jazda bastaldy. Maýsym aıynda memlekettik ınspeksıa komıtetiniń tóraǵasy bolyp taǵaıyndalǵan Darhan Ábdikárimov laýazymyn paıdalanyp, zańsyz áreketterge barǵan. Sheneýnik bir jaýapkershiligi shekteýli seriktestik (sotta kompanıanyń ataýy kórsetilmedi) dırektorymen shegirtkege qarsy pestısıdter jetkizý boıynsha kelisimshartqa qol qoıý úshin para alýǵa kelisken.
Maýsym aıynda Ábdikárimov deldal arqyly paranyń alǵashqy bóligin – 2 mıllıon teńgeni alǵan. Eki aıdan keıin seriktester qaıta kezdesip, komıtet basshysy qalǵan 2,4 mıllıon teńgeni alǵan.
Bul qarajat pestısıdterdi 78 mıllıon teńgege satyp alý kelisimshartyna qol qoıǵany úshin berilgen alǵys retinde qarastyrylǵan.
Sot Ábdikárimovti 3,5 jylǵa bas bostandyǵynan aıyrý týraly úkim shyǵardy. Al JSHS dırektory ortasha qaýipsizdik deńgeıindegi kolonıada 3 jyl jazasyn óteıtin boldy.