«Kóktem-2023» oqý-jattyǵýlary barysynda ózen men aryq jelilerinen 640 tekshe metrden astam qoqys shyǵaryldy.
Almatyda «Kóktem-2023» oqý-jattyǵýlary barysynda jalpy uzyndyǵy 54 shaqyrym bolatyn ózender men aryqtardan 640 m3 laı, batpaq, tastar, qatty turmystyq qaldyqtar shyǵaryldy, dep habarlaıdy Almaty-akshamy.kz
Oqý-jattyǵýlarǵa QR UQK «Ońtústik» óńirlik qolbasshylyǵy, Qazaqstan Respýblıkasy Qarýly Kúshteri Aero-desanttyq-shabýyldaýshy áskerleriniń biriktirilgen rotasy, merdigerler men qalanyń azamattyq qorǵaý qyzmetteri, eriktiler uıymdary men TJM aýmaqtyq bólimsheleri tartyldy. 600-den astam adam jáne 309 tehnıka jumyldyryldy.
«Tazartý jumystary Esentaı ózeninen bastaldy. Uzyndyǵy bir shaqyrymnan asatyn muz ben qoqysty tazalaýǵa 89 ınjenerlik tehnıka jumyldyrylǵan», - delingen QR Tótenshe jaǵdaılar mınıstrliginiń baspasóz qyzmeti taratqan habarlamada.
Sonymen qatar, qalanyń qalǵan jeti aýdanynda oqý-jattyǵý jumystary júrgizilip, sonyń aıasynda ózen arnalary men sýǵarý aryqtary tastardan, laılardan, qatty qaldyqtardan, butaqtardan tazartyldy.
Saıran kólinde de birqatar jumystar atqaryldy. Tótenshe jaǵdaılar mınıstrliginiń vedimistik mekemeleri jáne aýmaqtyq bólimsheleriniń, sondaı-aq qalanyń azamattyq qorǵaý memlekettik júıesiniń qyzmetteriniń sý aıdaý quraldary qoldanyldy. Sý túbin tunba men shógindilerden tazartý, jaǵalaýdy qoqystan tazartý jumystary júrdi. Atqarylǵan jumystar qaladaǵy ózender men aryqtardyń ótkizý júıesin jaqsartyp, sý tasqynynyń aldyn alady.