Bul suraqqa Qazaqstan musylmandary Dinı basqarmasy jaýap berdi.
Paıǵambarymyz (oǵan Allanyń salaýaty men sálemi bolsyn): «Kimde-kim ramazan aıynyń orazasynan soń, artynsha sháýýál aıynda 6 kún oraza ustasa, bir jyl oraza ustaǵandaı bolady» dep, bul aıda ustalatyn orazanyń mol saýabymen súıinshilegen (Múslım).
Bul oraza saýabynyń bir jylǵa para-par kelýin bylaısha túsindirýge bolady. Quranda «Ánǵam» súresiniń 160-aıatynda: «Kimde-kim Allanyń aldyna bir ǵana jaqsylyqpen kelse, oǵan sol jaqsylyǵy úshin on ese saýap jazylady» delingen. Ǵalymdar sháýýál aıyndaǵy alty kún orazanyń bir jyldyq saýabyn osy aıatpen baılanystyrady.
Ramazan aıyndaǵy otyz kún men sháýýál aıyndaǵy alty kún qosylǵanda, otyz alty kún bolady. Bul san on esege kóbeıtilse, úsh júz alpys kúndi quraıdy. Bir jyldyń qalǵan bes kúni oraza ustaýǵa bolmaıdy: Ramazan aıtynyń alǵashqy kúni men Qurban aıttyń tórt kúni. Orazanyń árbir kúni on ese molaısa, onda otyz alty kúndik orazada bir jyl aýyz bekitýdiń saýaby bar degen sóz.